തനിച്ച് താമസിക്കുന്ന യുവാവിനെ വീട്ടിനുള്ളില്‍ മരിച്ച നിലയില്‍ കണ്ടെത്തി; അസ്വാഭാവിക മരണത്തിന് കേസ്

ബദിയടുക്ക: (KasargodVartha) ബാഡൂർ മഞ്ചോട്ടിയിൽ 41-കാരനെ വീട്ടിനുള്ളിൽ മരിച്ച നിലയിൽ കണ്ടെത്തിയ സംഭവത്തിൽ ബദിയടുക്ക പോലീസ് ബിഎൻഎസ്എസ് വകുപ്പ് 194 പ്രകാരം അസ്വാഭാവിക മരണത്തിന് കേസ് രജിസ്റ്റർ ചെയ്തു. മഞ്ചോട്ടി സ്വദേശിയായ ദേവണ്ണനായിക്കിൻ്റെ മകൻ പ്രവീയാണ് മരിച്ചത്.

2026 ജൂൺ രണ്ട് രാവിലെ 10 മണിക്കും ജൂൺ നാല് വൈകുന്നേരം ഏഴ് മണിക്കും ഇടയിലുള്ള ഏതോ സമയത്താണ് സംഭവം നടന്നതെന്നാണ് പ്രാഥമിക വിവരം. മൃതദേഹത്തിന് ഏതാനും ദിവസത്തെ പഴക്കമുണ്ട്.

പ്രവീൺ താമസിച്ചിരുന്ന വീട്ടിലെ ഹാളിൽ തറയിലാണ് മൃതദേഹം കണ്ടെത്തിയത്. മരിച്ചയാളുടെ സഹോദരിയായ ഭവാനി നൽകിയ വിവരത്തിൻ്റെ അടിസ്ഥാനത്തിലാണ്  കേസെടുത്തിരിക്കുന്നത്.

കൂലിപ്പണിക്കാരനായ പ്രവീണ തനിച്ചാണ് താമസം. ഫോൺ വിളിച്ചിട്ടും എടുക്കാത്തതിനെ തുടർന്ന് സഹോദരി വ്യാഴാഴ്ച വൈകിട്ട് വീട്ടിലെത്തി നോക്കിയപ്പോഴാണ് മരിച്ച നിലയിൽ കണ്ടെത്തിയത്.

ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റുമോർട്ടത്തിനായി കാസർകോട് ജനറൽ ആശുപത്രി മോർച്ചറിയിലേക്ക് മാറ്റി. മരണകാരണം വ്യക്തമാക്കുന്നതിനായി തുടർ നടപടികൾ പുരോഗമിക്കുകയാണെന്ന് പോലീസ് അറിയിച്ചു. സബ് ഇൻസ്‌പെക്ടർ ടി രൂപേഷിനാണ് കേസിൻ്റെ അന്വേഷണ ചുമതല.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതൽ പ്രാദേശിക വാർത്തകൾ അറിയാൻ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജില്‍ ഈ വാര്‍ത്തയുടെ താഴെ കമൻ്റായി രേഖപ്പെടുത്തുക.

Article Summary: A 41-year-old man, Praveena, was found dead in his house in Badoor Manjotti, prompting Badiyadka police to register a case for unnatural death.

#Badiyadka #KasaragodNews #KeralaPolice #UnnaturalDeath #LocalNews #CrimeNews #RenuNews