സുബ്ഹി നിസ്‌കാരം കഴിഞ്ഞ് പറമ്പിലേക്ക് പോയ ഗൃഹനാഥന്‍ കുഴഞ്ഞുവീണു മരിച്ചു

കളനാട്: (www.kasargodvartha.com 19.05.2019) സുബ്ഹി നിസ്‌കാരം കഴിഞ്ഞ് പറമ്പിലേക്ക് പോയയാള്‍ കുഴഞ്ഞുവീണു മരിച്ചു. കളനാട്ടെ പൗരപ്രമുഖന്‍ ഹാജിക്കാന്റെ അബൂബക്കര്‍ എന്ന കെ അബൂബക്കര്‍ ഹാജി (71) ആണ് മരിച്ചത്. ഞായറാഴ്ച രാവിലെയാണ് സംഭവം. സുബ്ഹി നിസ്‌കാരം കഴിഞ്ഞ് വീട്ടിലെത്തിയ അബൂബക്കര്‍ ഹാജി പറമ്പിലെ തെങ്ങിന് വെള്ളമൊഴിക്കാന്‍ പോയതായിരുന്നു. ഇതിനിടെയാണ് കുഴഞ്ഞുവീണത്. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

പരേതരായ അബ്ദുല്‍ ഖാദര്‍ ഹാജി- മറിയം ദമ്പതികളുടെ മകനാണ്. നേരത്തെ ദീര്‍ഘ കാലം ഖത്തറിലായിരുന്നു. ഭാര്യ: ആയിശ ചാത്തങ്കൈ മാണി. മക്കള്‍: ഹനീഫ് (ഖത്തര്‍), അബ്ദുല്‍ ഖാദര്‍ (ഒമാന്‍), മുംതാസ്, ഫാത്വിമ, മര്‍യം, ഖദീജ, ഹാജറ, ശംസീന, മുബീന. മരുമക്കള്‍: ഷാഫി മൗവ്വല്‍, അബ്ബാസ് മെട്രോ കളനാട് ((ദുബൈ), ഹനീഫ് മുക്കുന്നോത്ത്, അമീന്‍ തളങ്കര, അഹ് മദ് ചേരൂര്‍, അഹ് മദ് ചെർക്കള, സഫിയ (പരേതനായ ഡോ. ഖത്തര്‍ ഇബ്രാഹിം ഹാജിയുടെ മകള്‍), ഹസീന ബേക്കല്‍, പരേതനായ അബൂബക്കര്‍ പുളുന്തോട്ടി.

സഹോദരങ്ങള്‍: ആഇശ കോഴിത്തിടില്‍, പരേതരായ അബ്ദുല്ല ഹാജി, മൊയ്തു, മുഹമ്മദ് ഹാജി, ഖദീജ, ഉമ്മാഞ്ഞി. ഖബറടക്കം കളനാട് ഹൈദ്രോസ് ജമാഅത്ത് ഖബര്‍സ്ഥാനില്‍ നടക്കും.