കബീര്‍ മുഹമ്മദ് യാത്രയായി; ദുരിതങ്ങളില്ലാത്ത ലോകത്തേക്ക്

ചൂരി: (www.kasargodvartha.com 03.06.2014) 28 വര്‍ഷത്തെ ദുരിത ജീവിതത്തിനും പരാശ്രയത്തിനും ശേഷം കബീര്‍ മുഹമ്മദ് യാത്രയായി, ദുരിതങ്ങളില്ലാത്ത ലോകത്തേ്ക്ക്. ജന്മനാ തന്നെ വികലാംഗനും രോഗിയുമായ കബീര്‍ തിങ്കളാഴ്ച വൈകിട്ടാണ് അന്ത്യശ്വാസം വലിച്ചത്.

ചൂരി മീപ്പുഗിരിയിലെ പരേതനായ മുഹമ്മദിന്റെയും നഫീസത്ത് ബീവിയുടേയും മകനാണ് കബീര്‍ മുഹമ്മദ്. ജനിക്കുമ്പോള്‍ തന്നെ കൈകാലുകള്‍ക്ക് ശേഷിയോ, സംസാര ശേഷിയോ ഇല്ലാതിരുന്ന കബീറിന് എന്തിനും ഏതിനും പരസഹായം വേണമായിരുന്നു.

മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള സഹായമായി 10000 രൂപ ഈയിടെ അനുവദിച്ചിരുന്നുവെങ്കിലും അത് ലഭിക്കുന്നതിന് മുമ്പാണ് കബീര്‍ സഹായം ആവശ്യമില്ലാത്ത ലോകത്തേക്ക് പോയത്. ബല്‍ക്കീസ് ഏക സഹോദരിയാണ്.

ഖബറടക്കം ചൊവ്വാഴ്ച രാവിലെ 9.30 മണിയോടെ തളങ്കര മാലിക്ക് ദീനാര്‍ ഖബര്‍സ്ഥാനില്‍ നടന്നു.