മഞ്ഞപ്പിത്തം: യുവാവ് ട്രെയിനില്‍ മരിച്ചു

ബദിയഡുക്ക: (kasargodvartha.com 29.03.2014) മഞ്ഞപ്പിത്തം ബാധിച്ച് ചികിത്സയിലായിരുന്ന യുവാവ് മരിച്ചു. ബദിയഡുക്ക പെട്രോള്‍ പമ്പിനു സമീപത്തെ മുഹമ്മദ് അലി(42)ആണ് വെള്ളിയാഴ്ച രാത്രി തിരുവനന്തപുരത്തു നിന്ന് കാസര്‍കോട്ടേക്കുള്ള യാത്രയ്ക്കിടയില്‍ ട്രെയിനില്‍ മരിച്ചത്.

മഞ്ഞപ്പിത്തത്തിനു കുറേ കാലമായി ചികിത്സലയിലായിരുന്നു. മംഗലാപുരത്തെ ചികിത്സയ്ക്കിടയില്‍ കാന്‍സര്‍ ഉണ്ടോയെന്നു സംശയിക്കുകയും തിരുവനന്തപുരത്തെ റീജ്യണല്‍ കാന്‍സര്‍ സെന്ററിലേക്ക് മാറ്റുകയും ചെയ്തു. അവിടെ പരിശോധന നടത്തി മടങ്ങുന്നതിനിടയിലായിരുന്നു മരണം. പരേതനായ ഗോളിന്റടിയിലെ അബ്ദുല്‍ റഹ്മാന്‍-മറിയുമ്മ ദമ്പതികളുടെ മകനാണ്. ഭാര്യ: സഫിയ. മക്കള്‍: മഷൂഖ്, മുനീറ, അലീമത്ത് സായദി. നേരത്തെ നായന്മാര്‍മൂലയില്‍ ബന്ധുവിന്റെ കടയില്‍ ജോലിക്കാരനായിരുന്നു മുഹമ്മദ് അലി.