നീലേശ്വരം പള്ളിക്കര റെയിൽവേ മേൽപ്പാലത്തിൽ ലോറിയിടിച്ച് സ്കൂട്ടർ യാത്രികനായ ജമാഅത്ത് പ്രസിഡന്റ് മരിച്ചു

നീലേശ്വരം: (KasargodVartha) പള്ളിക്കര റെയിൽവേ മേൽപ്പാലത്തിൽ ലോറിയിടിച്ച് സ്കൂട്ടർ യാത്രികനായ ജമാഅത്ത് പ്രസിഡന്റ് മരിച്ചു. ബേക്കൽ പള്ളിക്കര ചിത്താരി കൊത്തിക്കാൽ ജമാഅത്ത് കമ്മിറ്റിയുടെ പ്രസിഡന്റും പയ്യന്നൂരിൽ ഹോട്ടൽ ഉടമയുമായ കൊട്ടിലങ്ങാട്ടെ നസീമ മൻസിലിൽ ഹംസ (73) ആണ് മരിച്ചത്.

ചൊവ്വാഴ്ച ഉച്ചയ്ക്ക് രണ്ടുമണിയോടെയാണ് അപകടം നടന്നത്. ചെറുവത്തൂർ ഭാഗത്തുനിന്ന് നീലേശ്വരം ഭാഗത്തേക്ക് സ്കൂട്ടിയിൽ പോവുകയായിരുന്ന ഹംസയെ കെഎൽ 86 എ 8397 നമ്പർ ലോറി ഇടിക്കുകയായിരുന്നു. അപകടം നടന്ന സ്ഥലത്തുവെച്ചുതന്നെ ഹംസ മരണപ്പെട്ടു.

വിവരമറിഞ്ഞ് നീലേശ്വരം എസ്.ഐ. സി. സുമേഷ് ബാബു, നീലേശ്വരം നഗരസഭ ചെയർപേഴ്സൺ ടി.വി. ശാന്ത, നഗരസഭ കൗൺസിലർ കുഞ്ഞിരാമൻ എന്നിവർ സ്ഥലത്തെത്തി. 

മൃതദേഹം പോസ്റ്റ്മോർട്ടത്തിനായി കാഞ്ഞങ്ങാട് ജില്ലാ ആശുപത്രി മോർച്ചറിയിലേക്ക് മാറ്റി.

ഈ ദുരന്ത വാർത്തയെക്കുറിച്ച് നിങ്ങളുടെ അഭിപ്രായം പങ്കുവെയ്ക്കൂ, നിങ്ങളുടെ സുഹൃത്തുക്കൾക്കും ഇത് ഷെയർ ചെയ്യൂ.

Article Summary: A Jamath President died in a lorry-scooter accident at Nileshwaram railway bridge.

#KeralaAccident #Nileshwaram #RoadSafety #Kasargod #LorryAccident #TrafficSafety