മുഹിമ്മാത്ത് ജനറല്‍ മാനേജര്‍ ഇസ്സുദ്ദീന്‍ സഖാഫി നിര്യാതനായി

പുത്തിഗെ: പ്രമുഖ മത പ്രഭാഷകനും മുഹിമ്മാത്ത് ജനറല്‍ മാനേജറുമായ എ.കെ. ഇസ്സുദ്ദീന്‍ സഖാഫി (41)  അന്തരിച്ചു. അസുഖ ബാധിതനായതിനെത്തുടര്‍ന്ന് ആറ് മാസത്തോളമായി ചികിത്സയിലായിരുന്നു. ബുധനാഴ്ച ഉച്ചയ്ക്ക് 2.30 ഓടെ മുഹിമ്മാത്ത് നഗറിലുള്ള വീട്ടില്‍ വെച്ചാണ് അന്ത്യം സംഭവിച്ചത്.

മുഹിമ്മാത്ത് വൈസ് പ്രസിഡന്റ്, സംയുക്ത ജമാഅത്ത് സെക്രട്ടറി, മുഹിമ്മാത്ത് മഹല്ല് പ്രസിഡന്റ, സഖാഫി സൂറ ജില്ലാ ചെയര്‍മാന്‍ എന്നീ സ്ഥാനങ്ങള്‍ വഹിച്ചിരുന്നു. ഗള്‍ഫിലടക്കം മുഹിമ്മാത്ത് സ്ഥാനത്തിന്റെ സജീവ പ്രവര്‍ത്തകനായിരുന്നു. എസ്.എസ്.എഫ്. ജില്ലാ പ്രസിഡന്റായും എസ്.വൈ.എസ് ജില്ലാ ഉപാധ്യക്ഷനായും പ്രവര്‍ത്തിച്ചിട്ടുണ്ട്. നൂറു കണക്കിനു വേദികളില്‍ മത പ്രഭഷണം നടത്തി ശ്രദ്ധേയനായിരുന്നു.

കുമ്പള മുളിയടുക്കയിലെ അബ്ബാസ് മുസ്‌ലിയാര്‍ - ഖദീജ ദമ്പതികളുടെ മകനാണ്. സൂരംബയലില്‍ പ്രാഥമിക പഠനം പൂര്‍ത്തിയാക്കിയ ശേഷം ബെള്ളിപ്പാടി അബ്ദുല്ല മുസ്‌ലിയാരുടെ കീഴില്‍ ദര്‍സ് പഠനം നടത്തി. മര്‍ക്കസില്‍ നിന്നാണ് ബിരുദം നേടിയത്. ബീജന്തടുക്കയില്‍ മുദരിസായാണ് ആദ്യം സേവനം ആരംഭിച്ചത്. പിന്നീടാണ് മുഹിമ്മാത്തില്‍ മുദരിസായും മാനേജരായും പ്രവര്‍ത്തിച്ചത്.

പ്രമുഖ സൂഫി വര്യന്‍ യൂസുഫ് ഹാജിയുടെ മകള്‍ അഫ്‌സത്താണ് ഭാര്യ. മക്കള്‍: മുഹിമ്മാത്ത് ഇംഗ്ലീഷ് മീഡിയം സ്‌കൂള്‍ വിദ്യാര്‍ത്ഥികളായ ഖദീജത്ത് മുര്‍ശിദ, ഫാത്വിമത്ത് മുഫീദ, മുഹമ്മദ് മുശ്ഫിഅ്

സഹോദരങ്ങള്‍: മുഹമ്മദ്, അബ്ദുല്ല മദനി, അബ്ദുല്‍ അസീസ് സഅദി (സൗദി), അബ്ദുല്‍ കരീം മാസ്റ്റര്‍ ദര്‍ബാര്‍കട്ട, അബൂബക്കര്‍ സഖാഫി, ഉമര്‍ മാസ്റ്റര്‍ മുളിയടുക്കം, ആഇശ, അസ്മ, സക്കിയ. എസ്.എസ്.എഫ്. മുന്‍ സംസ്ഥാന ഉപാധ്യക്ഷന്‍ മൂസ സഖാഫി കളത്തൂര്‍ ഭാര്യയുടെ സഹോദരീ ഭര്‍ത്തവാണ്.

സമൂഹത്തിന്റെ നാനാ തുറകളില്‍ പെട്ട നൂറുകണക്കിനാളുകള്‍ അന്ത്യോപചാരമര്‍പിച്ചു. രാത്രി ഒമ്പത് മണിയോടെ മുഹിമ്മാത്ത് ഖബര്‍സ്ഥാനില്‍ ഖബറടക്കും.

ഇസ്സുദ്ദീന്‍ സഖാഫിയുടെ നിര്യാണത്തില്‍ മുഹിമ്മാത്ത് പ്രസിഡന്റ് കാന്തപുരം എ.പി അബൂബക്കര്‍ മുസ്ലിയാര്‍, ജാമിഅ സഅദിയ്യ ജനറല്‍ മാനേജര്‍ നൂറുല്‍ ഉലമ എം.എ. അബ്ദുല്‍ ഖാദിര്‍ മുസ്‌ലിയാര്‍ സെക്രട്ടറി സയ്യിദ് കെ.എസ്. ആറ്റക്കോയ തങ്ങള്‍, സമസ്ത കേന്ദ്ര മുശാവറാം എം. അലിക്കുഞ്ഞി മുസ്ലിയാര്‍, മുഹിമ്മാത്ത് സെക്രട്ടറി ബി.എസ് അബ്ദുല്ലക്കുഞ്ഞി ഫൈസി, എസ്.വൈ.എസ് സംസ്ഥാന ട്രഷറര്‍ സയ്യിദ് മുഹമ്മദ് ഉമറുല്‍ ഫാറൂഖ് അല്‍ബുഖാരി, ജില്ലാ പ്രസിഡന്റ് പള്ളങ്കോട് അബ്ദുല്‍ ഖാദിര്‍ മദനി, സോണ്‍ പ്രസിഡന്റ് സയ്യിദ് അബ്ദുര്‍ റഹ്മാന്‍ ഇമ്പിച്ചിക്കോയ തങ്ങള്‍ ബായാര്‍, സെക്രട്ടറി കന്തല്‍ സൂപ്പി മദനി, എസ്.എസ്.എഫ്. ജില്ലാ പ്രസിഡന്റ് അബ്ദു റസാഖ് സഖാഫി, എസ്.എം.എ. ജില്ല സെക്രട്ടറി ഹമീദ് മൗലവി ആലമ്പാടി, സഖാഫി സൂറ ജില്ല സെക്രട്ടറി കാട്ടിപ്പാറ അബ്ദുല്‍ ഖാദിര്‍ സഖാഫി, എസ്.ജെ.എം. ജില്ലാ പ്രസിഡന്റ് കൊല്ലമ്പാടി അബ്ദുല്‍ ഖാദിര്‍ സഅദി തുടങ്ങയവര്‍ അനുശോചിച്ചു.

Also read:
ഒരാളുടെ തലച്ചോറില്‍ നിന്നുള്ള സിഗ്നലുകള്‍ വെച്ച് മറ്റൊരാളുടെ കൈ അനക്കാന്‍ കഴിമെന്ന് ശാസ്ത്രജ്ഞര്‍ Keywords : Muhimmath, Obituary, Izzudheen Saqafi, Kasaragod, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.