കണ്ണീരോടെ ഒരു ഗ്രാമം: ഇൻഫ്ലുവൻസ എ ബാധിച്ച് എട്ടാം ക്ലാസുകാരി ദേവ്നയ്ക്ക് ദാരുണാന്ത്യം

കാലിക്കടവ്: (KasargodVartha) വ്യാഴാഴ്ച മരണത്തിന് മുന്നിൽ കീഴടങ്ങിയ ദേവ്ന ഒരു ഗ്രാമത്തിനെയാകെ ദുഃഖത്തിലാഴ്ത്തി. അബാലവൃദ്ധം ജനങ്ങളും സ്കൂളിലെ സഹപാഠികളും വ്യാഴാഴ്ച രാത്രി വരെ കണ്ണീരോടെ അവളെ യാത്രയാക്കാൻ എത്തിയത് നോവുന്ന കാഴ്ചയായി.

കാടുവക്കാട് മഞ്ഞത്തൂരിലെ അശ്വിനി - ബിജു ദമ്പതികളുടെ മകളായ എട്ടാം ക്ലാസ് വിദ്യാർത്ഥിനി ദേവ്ന (13) ന്യൂമോണിയ ബാധിച്ചാണ് മരിച്ചത്. 

പനി ബാധിച്ച് ചെറുവത്തൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും, നില ഗുരുതരമായതിനെ തുടർന്ന് കണ്ണൂരിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. അവിടെ വെച്ചായിരുന്നു ദാരുണാന്ത്യം. ഇൻഫ്ലുവൻസ എ എന്ന വൈറസ് തലച്ചോറിനെ ബാധിച്ചതാണ് മരണകാരണമെന്ന് അധികൃതർ അറിയിച്ചു.

പിലിക്കോട് സി. കൃഷ്ണൻ നായർ സ്മാരക ഗവൺമെൻ്റ് ഹയർ സെക്കണ്ടറി സ്കൂളിലെ എട്ടാം ക്ലാസ് വിദ്യാർത്ഥിനിയാണ് ദേവ്ന. സഹോദരി: ദേവാമൃത.

ഈ ദുഃഖവാർത്ത നിങ്ങളുടെ സുഹൃത്തുക്കളുമായി പങ്കുവെക്കുക. നിങ്ങളുടെ അഭിപ്രായങ്ങളും അനുശോചനങ്ങളും രേഖപ്പെടുത്തുക.

Article Summary: Eighth-grade student died due to brain damage from Influenza A.
 

#InfluenzaA, #StudentDeath, #KeralaNews, #BrainDamage, #Tragedy, #Kasaragod