Obituary | പ്രവാസി എഴുത്തുകാരന്‍ ഇബ്രാഹിം ചെര്‍ക്കള അന്തരിച്ചു

ചെര്‍ക്കള: (www.kasargodvartha.com) പ്രവാസി എഴുത്തുകാരനും കാസര്‍കോട് സാഹിത്യ വേദി അംഗവുമായ ഇബ്രാഹിം ചെര്‍ക്കള (68) അന്തരിച്ചു.
                
ന്യുമോണിയ ബാധിച്ചാണ് മരണം സംഭവിച്ചത്. ഡെല്‍ഹി യാത്രയിലായിരുന്ന അദ്ദേഹം കഴിഞ്ഞ ദിവസമാണ് നാട്ടിലെത്തിയത്. ന്യുമോണിയ ബാധയെ തുടര്‍ന്ന് മംഗളൂരു ആശുപത്രിയില്‍ പ്രവേശിപ്പിക്കപ്പെട്ട അദ്ദേഹം വ്യാഴാഴ്ച രാത്രിയോടെയാണ് മരണപ്പെട്ടത്.

ഗള്‍ഫില്‍ ഏറെക്കാലം ജോലി ചെയ്തിരുന്നു. പ്രാവാസികളുടെ ജീവിതഗന്ധിയായ നിരവധി രചനകളിലൂടെയാണ് ശ്രദ്ധേയനായത്. കാസര്‍കോടിന്റെ സാംസ്‌ക്കാരിക - സാഹിത്യ മണ്ഡലങ്ങളിലെ നിറസാന്നിധ്യമായിരുന്ന അദ്ദേഹം കാ സര്‍കോട് സാഹിത്യ വേദിയുടെ സജീവ പ്രവര്‍ത്തകനായിരുന്നു.

സഹപ്രവര്‍ത്തകനായ കുട്ടിയാനം മുഹമ്മദ് കുഞ്ഞിയുമായുള്ള ആത്മബന്ധം കാസര്‍കോടിന്റെ സാംസ്‌ക്കാരിക മണ്ഡലത്തില്‍ അടയാളപ്പെടുത്താന്‍ സഹായകരമായി.

സൗമ്യ സ്വഭാവക്കാരനായിരുന്ന ഇബ്രാഹിം ചെര്‍ക്കയ്ക്ക് ഗള്‍ഫിലും നാട്ടിലുമായി ഒരുപാട് സുഹൃദ് വലയമുണ്ട്.

< !- START disable copy paste -->