നീലേശ്വരം കണിച്ചിറ പുഴയിൽ പാത്രം കഴുകാൻ പോയ വീട്ടമ്മയെ മരിച്ച നിലയിൽ കണ്ടെത്തി

നീലേശ്വരം: (KasargodVartha) കണിച്ചിറ പുഴയിൽ പാത്രം കഴുകാൻ പോയ വീട്ടമ്മയെ മരിച്ച നിലയിൽ കണ്ടെത്തി. ബുധനാഴ്ച (ഓഗസ്റ്റ് 19) രാവിലെയാണ് സംഭവം. ഓട്ടോറിക്ഷ ഡ്രൈവറായ അജീവൻ്റെ ഭാര്യ കെ നദി (51) ആണ് മരിച്ചത്. പുലർച്ചെ ആറ് മണിയോടെ വീടിനു സമീപത്തെ പുഴയിൽ പാത്രം കഴുകാനായി പോയതായിരുന്നു ഇവർ. 

ഏറെ സമയം കഴിഞ്ഞും തിരിച്ചുവരാത്തതിനെ തുടർന്ന് നടത്തിയ അന്വേഷണത്തിലാണ് പുഴക്കടവിൽ ചെരുപ്പും ബക്കറ്റും പാത്രങ്ങളും കണ്ടെത്തിയത്. തുടർന്ന് കാഞ്ഞങ്ങാട് അഗ്നിരക്ഷാസേനയുടെയും സ്കൂബാ സംഘത്തിന്റെയും നാട്ടുകാരുടെയും നേതൃത്വത്തിൽ നടത്തിയ തിരച്ചിലിനൊടുവിൽ രാവിലെ 11 മണിയോടെ കടിഞ്ഞിമൂല പാലത്തിനടുത്തു വെച്ച് മൃതദേഹം കണ്ടെത്തുകയായിരുന്നു. മൃതദേഹം പോസ്റ്റ്മോർട്ടത്തിനായി കാഞ്ഞങ്ങാട് ജില്ലാ ആശുപത്രി മോർച്ചറിയിലേക്ക് മാറ്റി.

അബദ്ധത്തിൽ വീണതാകാമെന്ന് സംശയം

വീടിനു സമീപത്തെ പുഴയിൽ സ്ഥിരമായി പാത്രം കഴുകാൻ പോകാറുള്ളതാണ് ഇവർ. ഇതിനിടയിൽ അബദ്ധത്തിൽ പുഴയിൽ വീണതാകാമെന്നാണ് പ്രാഥമിക നിഗമനം. പുഴക്കടവിന് സമീപം വീട്ടമ്മയുടെ ചെരിപ്പും ബക്കറ്റും പാത്രങ്ങളും ഉൾപ്പെടെയുള്ള സാധനങ്ങൾ കണ്ടെത്തിയതോടെയാണ് ഇവർ പുഴയിൽ വീണതാകാം എന്ന സംശയം ശക്തമായത്. 

വിവരമറിഞ്ഞ് നീലേശ്വരം നഗരസഭാ ചെയർമാൻ പി പി മുഹമ്മദ് റാഫി, കൗൺസിലർമാരായ ഇ ഷജീർ, കെ സതീശൻ ഉൾപ്പെടെയുള്ള ജനപ്രതിനിധികളും സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകിയിരുന്നു.

പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: A 51-year-old housewife, K. Nadi, who went missing while washing utensils at the Kanchithira river in Nileshwaram on August 19, 2026, was found dead following a search by the Fire Force and scuba team.

#KasargodVartha #Nileshwaram #KanchithiraRiver #FireForceKerala #Kanhangad #KeralaNews #MalayalamNews #LocalNews #AparnaNews