സ്റ്റൗവില്‍ മണ്ണെണ്ണ നിറക്കുന്നതിനിടയില്‍ പൊള്ളലേറ്റ വീട്ടമ്മ മരിച്ചു
Sep 27, 2012, 17:28 IST
കഴിഞ്ഞ ഞായറാഴ്ച സ്റ്റൗവില്‍ മണ്ണെണ്ണ നിറക്കുന്നതിനിടയിലാണ് ലളിതയ്ക്ക് പൊള്ളലേറ്റത്. തുടര്‍ന്ന് ലളിതയെ ആദ്യം ജനറല്‍ ആശുപത്രിയില്‍ പ്രവേശിപ്പിച്ചെങ്കിലും, നില ഗുരുതരമായതിനെ തുടര്‍ന്ന് മംഗലാപുരം ആശുപത്രിയില്‍ പ്രവേശിപ്പിക്കുകയായിരുന്നു.
ലളിതയുടെ ഭര്‍ത്താവ് രമേശന്‍ വിദ്യാനഗറില്‍ ഉണ്ടായ ഒരപകടത്തില്‍ നേരത്തേ മരിച്ചിരുന്നു. തുടര്‍ന്ന് അനാഥരായ നാല് മക്കളെ കൂലി വേല ചെയ്താണ് ലളിത വളര്‍ത്തിയത്. അമ്മയുടെ മരണത്തോടെ മക്കളെല്ലാവരും തീര്‍ത്തും അനാഥരായിരിക്കുകയാണ്. വായ്പയെടുത്ത് വീടുപണി ആരംഭിച്ചെങ്കിലും പാതിവഴിയിലാണ്. ഇതിനിടയിലാണ് ലളിതയെ മരണം തട്ടിയെടുത്ത്. സുമലത, സുശീല, സുജിത്ത്, സുധീപ്, എന്നിവര്‍ മക്കളാണ്. സുജിത്തും, സുധീപും സ്കൂള്‍ വിദ്യാര്‍ത്ഥികളാണ്.
Keywords: Kasaragod, Badiyadukka, Fire, Obituary, Kerala, Lalitha
Tags
Share this story
