അസുഖത്തെ തുടര്‍ന്ന് ചികിത്സയിലായിരുന്ന വീട്ടമ്മ മരിച്ചു

By Web Desk SNAug 10, 2017, 16:29 IST

ബദിയടുക്ക: (www.kasargodvartha.com 10.08.2017) അസുഖം ബാധിച്ചതിനെ തുടര്‍ന്ന് ചികിത്സയിലായിരുന്ന വീട്ടമ്മ മരിച്ചു. മുസ്ലിം ലീഗ് ബദിയടുക്ക പഞ്ചായത്ത് ട്രഷറര്‍ മുണ്ട്യത്തടുക്കക്ക് സമീപം പള്ളംകോട്ടയിലെ കോട്ട അബ്ദുര്‍ റഹ് മാന്റെ ഭാര്യ ഖദീജ (49)യാണ് മംഗളൂരുവിലെ ആശുപത്രിയില്‍ മരിച്ചത്. അസുഖം ബാധിച്ചതിനെ തുടര്‍ന്ന് നാലു ദിവസമായി ആശുപത്രിയില്‍ ചികിത്സയിലായിരുന്നു.

മക്കള്‍: മുഹമ്മദ് അലി, ബഷീര്‍, സുബൈദ, സാജിദ, കബീര്‍, ഫസല്‍ റഹ് മാന്‍, ആബിദ. മരുമക്കള്‍: അബ്ദുല്‍ ഖാദര്‍ ആലംപാടി, മൂസക്കുഞ്ഞി ചെട്ടുംകുഴി, ഇബ്രാഹിം കാര്‍വാര്‍.