പ്രസവത്തെ തുടര്‍ന്ന് യുവതി മരിച്ചു

കാസര്‍കോട്: (www.kasargodvartha.com 21.04.2014) പ്രസവത്തെ തുടര്‍ന്ന് മംഗലാപുരം ആശുപത്രിയില്‍ പ്രവേശിപ്പിച്ച യുവതി മരിച്ചു. കമ്പാര്‍ ദേശാംകുളത്തെ പരേതനായ അബ്ദുല്‍ ഖാദര്‍-ആസ്യമ്മ ദമ്പതികളുടെ മകളും എരിയാല്‍ സി.പി.സി.ആര്‍.ഐക്ക് സമീപത്തെ കെ. അമീറിന്റെ ഭാര്യയുമായ മിസിരിയ (33) യാണ് മരിച്ചത്. തിങ്കളാഴ്ച രാത്രി എട്ട് മണിയോടെയാണ് മരണം സംഭവിച്ചത്.

മിസിരിയ ഞായറാഴ്ച വൈകുന്നേരം മൂന്ന് മണിയോടെ കാസര്‍കോട്ടെ സ്വകാര്യാശുപത്രിയില്‍ ശസ്ത്രക്രിയയിലൂടെ ആണ്‍കുഞ്ഞിന് ജന്മം നല്‍കിയിരുന്നു. എട്ട് മണിയോടെ വയര്‍വീര്‍ക്കുകയും ശ്വാസതടസം നേരിടുകയും ചെയ്തതിനെ തുടര്‍ന്നാണ് മംഗലാപുരം ആശുപത്രിയിലേക്ക് കൊണ്ടു പോയത്.

മക്കള്‍: അന്‍സീഫ (14), അജ്മല്‍ (12, ആലൂര്‍ ഹിഫ്‌ലുല്‍ ഖുര്‍ആന്‍ വിദ്യാര്‍ത്ഥി), മുഹാഷ് (ഏഴ്), മെഹനാസ് (ആറ്), അഫ്‌റീന (അഞ്ച്), മിസ്ബാല്‍ (ഒന്നര). സഹോദരങ്ങള്‍ മുഹമ്മദ് കുഞ്ഞി, സിദ്ദിഖ്, അഷ്‌റഫ്, ജലാല്‍, ഗഫൂര്‍.

ഖബറടക്കം ചൊവ്വാഴ്ച രാവിലെ ഒമ്പത് മണിയോടെ എരിയാല്‍ ജുമാമസ്ജിദ് ഖബര്‍സ്ഥാനില്‍.