വെള്ളം കോരുന്നതിനിടെ അബദ്ധത്തില്‍ കിണറ്റില്‍ വീണ് വീട്ടമ്മയ്ക്ക് ദാരുണാന്ത്യം

By Web Desk - MainOct 1, 2019, 17:32 IST

ചെമ്മനാട്: (www.kasargodvartha.com 01.10.2019) വെള്ളം കോരുന്നതിനിടെ അബദ്ധത്തില്‍ കിണറ്റില്‍ വീണ് വീട്ടമ്മയ്ക്ക് ദാരുണാന്ത്യം. പരവനടുക്കം കൈന്താറിലെ പരേതരായ കാട്ടൂര്‍ നാരായണന്‍ നായരുടെ ഭാര്യ എം മാധവി അമ്മ (80)യാണ് മരിച്ചത്. തിങ്കളാഴ്ച വൈകിട്ട് മൂന്നു മണിയോടെയാണ് സംഭവം. ശബ്ദം കേട്ട് പരിസരവാസികള്‍ ഓടിയെത്തി കിണറ്റിലിറങ്ങി പുറത്തെടുത്ത് കാസര്‍കോട് ജനറല്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

മക്കള്‍: ഗൗരി, പത്മാക്ഷന്‍, അംബുജാക്ഷി, പരേതനായ രവീന്ദ്രന്‍. മരുമക്കള്‍: ബാബു രാജ് ചാലിങ്കാല്‍, കൃഷ്ണന്‍ ബാര, പുഷ്പലത പാക്കം, ഹൈമാവതി.