ഓട്ടോറിക്ഷയിടിച്ച് ആശുപത്രിയില്‍ ചികിത്സയിലായിരുന്ന വീട്ടമ്മ മരിച്ചു

By Web Desk - MainApr 14, 2018, 12:25 IST

കുമ്പള: (www.kasargodvartha.com 14.04.2018) ഓട്ടോറിക്ഷയിടിച്ച് ഗുരുതരമായി പരിക്കേറ്റ് ആശുപത്രിയില്‍ ചികിത്സയിലായിരുന്ന വീട്ടമ്മ മരിച്ചു. കുമ്പള കുണ്ടങ്കാരടുക്കയിലെ പരേതനായ സുന്ദരന്റെ ഭാര്യ കമല (52)യാണ് മരിച്ചത്. ഇക്കഴിഞ്ഞ തിങ്കളാഴ്ചയാണ് അപകടമുണ്ടായത്. വീടിന് സമീപം വെച്ച് റോഡ് മുറിച്ച് കടക്കുന്നതിനിടെ ഓട്ടോറിക്ഷ ഇടിക്കുകയായിരുന്നു.

തലക്ക് ഗുരുതരമായി പരിക്കേറ്റ കമല മംഗളൂരുവിലെ ആശുപത്രിയില്‍ ചികിത്സയില്‍ കഴിയുന്നതിനിടെയാണ് വെള്ളിയാഴ്ച രാവിലെ മരണപ്പെട്ടത്. മക്കള്‍: പുഷ്പവതി, പ്രശാന്ത്, പ്രദീപ്, അശ്വതി.