കാറിടിച്ച് പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു

By Web Desk - MainJan 17, 2019, 21:01 IST

ബന്തിയോട്: (www.kasargodvartha.com 17.01.2019) കാറിടിച്ച് പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു. ബന്തിയോട് എസ് സി കോളനിയിലെ പരേതരായ കലാലന്റെ ഭാര്യ തുക്കുറു (80) ആണ് മരിച്ചത്. ഇക്കഴിഞ്ഞ വെള്ളിയാഴ്ചയാണ് അപകടമുണ്ടായത്. മള്ളങ്കൈയിലെ ലക്ഷ്മിക്കൊപ്പം നടന്നുപോകുന്നതിനിടെ അമിത വേഗതയില്‍ വന്ന ഇന്നോവ കാര്‍ തുക്കുറുവിനെ ഇടിച്ചു തെറിപ്പിക്കുകയായിരുന്നു.

ഗുരുതരമായി പരിക്കേറ്റ തുക്കുറുവിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചതായിരുന്നു. വ്യാഴാഴ്ച പുലര്‍ച്ചെയാണ് മരണം സംഭവിച്ചത്. മക്കള്‍: നാഗമ്മ, രഘുനാഥന്‍, മാധവന്‍.