ഗള്‍ഫില്‍ നിന്നെത്തിയ ഉടന്‍ വ്യാപാരി നെഞ്ചുവേദനയെ തുടര്‍ന്ന് മരിച്ചു

ബേക്കല്‍: ഗള്‍ഫില്‍ നിന്നെത്തിയ ഉടന്‍ നെഞ്ചു വേദനയെ തുടര്‍ന്ന് വ്യാപാരി മരിച്ചു. ഷാര്‍ജയില്‍ സൂപ്പര്‍ മാര്‍ക്കറ്റ് നടത്തുന്ന പള്ളിപ്പുഴ സ്വദേശിയും മൗവ്വലില്‍ താമസക്കാരനുമായ ഹംസ (54) ആണ് ഞായറാഴ്ച വൈകിട്ട് മൂന്ന് മണിയോടെ മരിച്ചത്.

രാവിലെ 10 മണിയോടെയാണ് ഹംസ മൗവ്വലിലെ വീട്ടിലെത്തിയത്. മംഗലാപുരത്ത് വിമാനമിറങ്ങിയ ഇദ്ദേഹത്തെ കൂട്ടിക്കൊണ്ടുവരാന്‍ കുടുംബാംഗങ്ങളും മറ്റും പോയിരുന്നു. വീട്ടിലെത്തി ചായ കുടിക്കുന്നതിനിടെ ഹംസയ്ക്ക് നെഞ്ചു വേദന അനുഭവപ്പെടുകയായിരുന്നു. ഉടന്‍ നുള്ളിപ്പാടിയിലെ സ്വകാര്യ ആശുപത്രിയില്‍ എത്തിച്ച ഹംസ മൂന്ന് മണിയോടെയാണ് മരിച്ചത്.

മൃതദേഹം തിങ്കളാഴ്ച രാവിലെ മൗവ്വല്‍ രിഫായിയ ജുമാമസ്ജിദ് ഖബര്‍സ്ഥാനില്‍ ഖബറടക്കും. ഭാര്യ: നസിയ. മക്കള്‍: റിയാസ്, അഷ്‌റഫ്, (ഇരുവരും ഗള്‍ഫ്), മന്‍സൂര്‍, നഫീസ. ഹംസ വീട്ടിലെത്തിയ സന്തോഷം പങ്കുവെക്കുന്നതിന് മുമ്പ് തന്നെ ഉണ്ടായ അദ്ദേഹത്തിന്റെ ആകസ്മിക വിയോഗം കുടുംബത്തെയും നാടിനെയും ദുഃഖത്തിലാഴ്ത്തി.
Keywords:  Bekal, Obituary, Kerala, kasaragod, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: