ഹാജി എം.എ. അബ്ദുര്‍ റഹ്മാന്‍ മുസ്ല്യാര്‍: വിടവാങ്ങിയത് പണ്ഡിത ശ്രേഷ്ഠന്‍

ഉപ്പള: ഞായറാഴ്ച രാത്രി നിര്യാതനായ ഉപ്പള ഗേറ്റ് ഷാഫി നഗറിലെ എം.എ. അബ്ദുര്‍ റഹ്മാന്‍ മുസ്ല്യാര്‍ (85) ആയിരക്കണക്കിന് ശിഷ്യന്മാരുള്ള പണ്ഡിത ശ്രേഷ്ഠനാണ്. ഹൃദയാഘാതത്തെതുടര്‍ന്ന് മംഗലാപുരത്തെ ആശുപത്രിയില്‍വെച്ചാണ് അദ്ദേഹം മരണപെട്ടത്.

കന്യാന കറുവപ്പാടി സ്വദേശിയായ ഇദ്ദേഹം ഇരുപതാംവയസില്‍ മദ്രസാ അധ്യാപകനായി സേവനം ആരംഭിക്കുകയായിരുന്നു. ഉപ്പള കുന്നില്‍ മുഹ്‌യുദ്ദീന്‍ ജുമാ മസ്ജിദില്‍ 50 വര്‍ഷത്തോളം ഖത്വീബായി സേവനം അനുഷ്ഠിച്ചിരുന്നു. വാര്‍ധക്യ സഹജമായ അസുഖത്തെതുടര്‍ന്ന് ഏതാനും വര്‍ഷങ്ങളായി വിശ്രമ ജീവിതം നയിച്ച് വരികയായിരുന്നു. സമസ്തയുടെ സജീവ പ്രവര്‍ത്തകനായിരുന്ന ഇദ്ദേഹം അറിയപ്പെടുന്ന ഇസ്ലാമിക പണ്ഡിതനും വാഗ്മിയുമാണ്.

ഭാര്യ ബീഫാത്വിമ. മക്കള്‍: സഫിയ, ഹമീദ്, റസാഖ് (സൗദി), അഷ്‌റഫ്, ആഇശ, റഹ്മത്ത്, അബ്ദുല്ല (കുവൈത്ത്), ലത്തീഫ് (വ്യാപാരി, ഉപ്പള), റഫീഖ്, മൈമൂന, കബീര്‍, പരേതയായ മറിയുമ്മ. മരുമക്കള്‍: സുഹറ, നസീറ, റംസാന, റസിയ, ഉസ്മാന്‍ മുസ്ല്യാര്‍, ഷഫീഖ്, അബ്ദുര്‍ റഹ്മാന്‍, അബൂബക്കര്‍, മൊയ്തു.

സഹോദരങ്ങള്‍: അബ്ദുല്ല മുസ്ല്യാര്‍, കുഞ്ഞു മുസ്ല്യാര്‍, ബീഫാത്വിമ, സാറുമ്മ. ഖബറടക്കം മൂസോടി ജുമാ മസ്ജിദ് ഖബര്‍ സ്ഥാനില്‍ നടന്നു.

Keywords:  Uppala, Obituary, Uppala, Kerala, Haji M.A. Abdul Rahman Musliyar no more, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.