മത്സ്യത്തൊഴിലാളി തോണിയില്‍ മരിച്ചനിലയില്‍

കാസര്‍കോട്: മത്സ്യബന്ധനം കഴിഞ്ഞ് മടങ്ങിയ തൊഴിലാളിയെ തോണിയില്‍ മരിച്ച നിലയില്‍ കണ്ടെത്തി. കീഴൂര്‍ കടപ്പുറത്തെ ഭാസ്‌ക്കര(57)നാണ് മരിച്ചത്. ഞായറാഴ്ച പുലര്‍ച്ചെ ഭാസ്‌ക്കരനും മറ്റ് രണ്ട് തൊഴിലാളികളും മത്സ്യബന്ധനത്തിന് പോയിരുന്നു.

ഉച്ചയോടെ മൂന്നു പേരും തിരിച്ചെത്തുകയും ഭാസ്‌ക്കരന്‍ ഒഴികെയുള്ളവര്‍ മത്സ്യവുമായി ടൗണില്‍ പോവുകയും ചെയ്തു. അപ്പോള്‍ ഭാസ്‌ക്കരന്‍ തോണിയില്‍ ഇരുന്ന് വല ശരിയാക്കുകയായിരുന്നു. ഭാസ്‌ക്കരനെ ഏറെ നേരം കഴിഞ്ഞിട്ടും തിരിച്ചുവരുന്നത് കാണാത്തതിനെ തുടര്‍ന്ന് അന്വേഷിച്ചപ്പോഴാണ് തോണിയില്‍ മരിച്ചനിലയില്‍ കണ്ടെത്തിയത്. ഹൃദയാഘാതം മൂലം മരണപ്പെട്ടതാണെന്ന് സംശയിക്കുന്നു. മൃതദേഹം ബേക്കല്‍ പോലീസ് ഇന്‍ക്വസ്റ്റ് നടത്തി. ഭാര്യ: ലക്ഷ്മി. നാല് മക്കളുണ്ട്.