മത്സ്യബന്ധനത്തിനിടെ പുറംകടലില്‍ കുഴഞ്ഞുവീണ മത്സ്യത്തൊഴിലാളി മരിച്ചു

By Web Desk - MainJan 15, 2018, 12:43 IST

കാഞ്ഞങ്ങാട്: (www.kasargodvartha.com 15.01.2018) മത്സ്യബന്ധനത്തിനിടെ പുറംകടലില്‍ കുഴഞ്ഞുവീണ മത്സ്യത്തൊഴിലാളി മരിച്ചു. കാഞ്ഞങ്ങാട് മരക്കാപ്പ് കടപ്പുറത്തെ കൊട്ടന്‍- ചീരു ദമ്പതികളുടെ മകന്‍ പ്രഭാകരന്‍ (58) ആണ് മരിച്ചത്. തിങ്കളാഴ്ച പുലര്‍ച്ചെ മൂന്നു മണിയോടെയാണ് മത്സ്യബന്ധനത്തിനായി പുറംകടലിലേക്ക് പോയത്. നാലു മണിയോടെ നെഞ്ചുവേദന അനുഭവപ്പെട്ട പ്രഭാകരന്‍ തോണിയില്‍ കുഴഞ്ഞുവീഴുകയായിരുന്നു.

ഉടന്‍ തന്നെ കൂടെയുണ്ടായിരുന്നവര്‍ കരക്കെത്തിച്ച് കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. ഭാര്യ: ശ്രീമതി. മക്കള്‍: പ്രവീണ്‍, പ്രജിത. മരുമകന്‍: റനീഷ്.