വനിതാ ലീഗ് മുൻ ജില്ലാ ജനറൽ സെക്രട്ടറിയും ത്രിതല പഞ്ചായത്ത് അംഗവുമായിരുന്ന എഴുത്തുകാരി ഫാത്തിമ അബ്ദുല്ലക്കുഞ്ഞി നിര്യാതയായി

മൊഗ്രാൽ: (Kasargodvartha) മുസ്ലീം വനിതാ ലീഗ് മുൻ ജില്ലാ ജനറൽ സെക്രട്ടറിയും ത്രിതല പഞ്ചായത്ത് അംഗവുമായിരുന്ന ഫാത്തിമ അബ്ദുല്ലക്കുഞ്ഞി നിര്യാതയായി. മൊഗ്രാൽ ശാഫി ജുമാ മസ്ജിദിന് സമീപത്തെ പരേതനായ അബ്ദുൽ റഹ്മാൻ- ആയിഷ ദമ്പതിമാരുടെ മകളാണ്. ടിവിഎസ് റോഡിലെ 'അൻസിഫ്' മൻസിലിലാണ് താമസം.

രണ്ട് പതിറ്റാണ്ടുകാലം കുമ്പള ഗ്രാമപഞ്ചായത്ത്, ബ്ലോക്ക് പഞ്ചായത്ത് അംഗമായി തിരഞ്ഞെടുക്കപ്പെട്ട് അവർ ജനപ്രതിനിധിയായി പ്രവർത്തിച്ചിരുന്നു. വനിതാ ലീഗ് ജില്ലാ ജനറൽ സെക്രട്ടറിയായും പ്രവർത്തിച്ചിട്ടുണ്ട്.

പ്രമുഖ എഴുത്തുകാരി കമലാ സുരയ്യയോട് ഏറെ ബഹുമാനം പ്രകടിപ്പിച്ചിരുന്ന ഫാത്തിമ അബ്ദുല്ലക്കുഞ്ഞി അവരിൽനിന്ന് പ്രചോദനം ഉൾക്കൊണ്ടാണ് വായനയിലും എഴുത്തിലും താൽപര്യം പ്രകടിപ്പിച്ചു തുടങ്ങിയത്. 

കമല സുരയ്യയെ പറ്റി 'ആമി' എന്ന പുസ്തകവും അവർ എഴുതിയിട്ടുണ്ട്. സാഹിത്യ ലോകത്തെ പ്രമുഖ വ്യക്തിത്വങ്ങളുമായി അടുത്ത ബന്ധം പുലർത്തിയിരുന്ന ഫാത്തിമ അബ്ദുല്ലക്കുഞ്ഞി ജില്ലയിൽ വിവിധ സാഹിത്യ-സാംസ്കാരിക പരിപാടികൾക്ക് നേതൃത്വം നൽകിയിരുന്നു.

കോൺഗ്രസ് നേതാവ് സി എം അബ്ദുല്ലക്കുഞ്ഞിയാണ് ഭർത്താവ്. അൻസിഫ് ആണ് ഏക മകൻ. അഷ്റഫ് മൊഗ്രാൽ ജീൻസ് ഏക സഹോദരനും. മരുമകൾ: ജെനിഫർ ദേളി.

ഈ വാർത്ത ഷെയർ ചെയ്യുക. 

Article Summary: Fathima Abdullakunhi, former Vanitha League leader and Panchayat member, passed away.

#FathimaAbdullakunhi #Mogral #VanithaLeague #Kasargod #Obituary #KeralaPolitics