Accident | മകളെ ജോലിക്ക് കൊണ്ടുപോകുന്ന വഴി അപകടം; പിതാവിന് ദാരുണാന്ത്യം
● അരുവിക്കുഴി വരിക്കമാക്കല്‍ സെബാസ്റ്റ്യന്‍ ജയിംസ് ആണ് മരിച്ചത്.
● മഞ്ഞാമറ്റം-മണല്‍ റോഡില്‍ രണ്ടുവഴിയില്‍വെച്ചാണ് അപകടം.
കോട്ടയം: (KasargodVartha) മകളെ ജോലിക്ക് വിടാനായി പോകുന്നതിനിടെ ബൈക്കുകള്‍ കൂട്ടിയിടിച്ച് (Bike Accident) ഉണ്ടായ അപകടത്തില്‍ പിതാവ് ദാരുണമായി മരിച്ചു. അരുവിക്കുഴി വരിക്കമാക്കല്‍ സെബാസ്റ്റ്യന്‍ ജയിംസ് (Sebastian James-55) ആണ് മരിച്ചത്.
വെള്ളിയാഴ്ച വൈകിട്ട് 6.30 ഓടെ മഞ്ഞാമറ്റം-മണല്‍ റോഡില്‍ രണ്ടുവഴിയില്‍ വച്ച് സംഭവിച്ച ഈ ദുരന്തത്തില്‍, ഒപ്പമുണ്ടായിരുന്ന മകള്‍ മെറിന്‍ (24) ഗുരുതരമായി പരിക്കേറ്റ് പാലായിലെ സ്വകാര്യ ആശുപത്രിയില്‍ പ്രവേശിപ്പിക്കപ്പെട്ടു.
പാലായിലെ ഒരു ആശുപത്രിയില്‍ നഴ്‌സായി ജോലി ചെയ്യുന്ന മെറിനെ കൊണ്ടുവിടാന്‍ പോകുന്നതിനിടയില്‍ എതിരെ വന്ന ബൈക്കുമായി സെബാസ്റ്റ്യന്റെ ബൈക്ക് കൂട്ടിയിടിക്കുകയായിരുന്നു. ഈ അപകടത്തില്‍ സെബാസ്റ്റ്യന്‍ സംഭവസ്ഥലത്തുവച്ചുതന്നെ മരിച്ചു.
ഒരു സീനിയര്‍ എല്‍ഐസി ഏജന്റായിരുന്നു സെബാസ്റ്റ്യന്‍. ഭാര്യ പൂഞ്ഞാര്‍ അടിവാരം വാഴയില്‍ എല്‍സമ്മ സെബാസ്റ്റ്യന്‍. മറ്റ് മക്കള്‍ മെല്‍വിന്‍, മാഗി എന്നിവരാണ്.
#KeralaAccident #FatalAccident #BikeAccident #KottayamNews #RIP #Condolences
Tags
Share this story
