എരിയാല്‍ ബ്ലാര്‍ക്കോട് സ്വദേശി ഖത്തറില്‍ നിര്യാതനായി

കാസര്‍കോട്: (kasargodvartha.com 22.03.2014)എരിയാല്‍ ബ്ലാര്‍ക്കോട് സ്വദേശി ദോഹ ഖത്തറില്‍ നിര്യാതനായി. ബ്ലാര്‍ക്കോട് എം.ബി.എം. മന്‍സിലിലെ പരേതനായ അബ്ദൂര്‍ റഹ്മാന്‍ - ആയിശ ദമ്പതികളുടെ മകന്‍ കെ.എ. അബ്ദുറഹ്മാന്‍ മാഹിന്‍(42) ആണ് വെള്ളിയാഴ്ച ഉച്ചയ്ക്ക് മരിച്ചത്.

മൃതദേഹം ഞായറാഴ്ച രാവിലെ നാട്ടിലെത്തിച്ച് എരിയാല്‍ ജുമാമസ്ജിദ് ഖബര്‍സ്ഥാനില്‍ ഖബറടക്കി. ദോഹയില്‍ ബി.എം.ഡബ്ല്യു കാര്‍ ഷോറൂമായ അല്‍ഫര്‍ദാന്‍ ഓട്ടോ മൊബൈല്‍സിന്റെ പി.ആര്‍.ഒ. ആയിരുന്നു. അസുഖത്തെ തുടര്‍ന്ന് ഖത്തര്‍ അഹ്മദിയ കാന്‍സര്‍ സെന്ററില്‍ ചികിത്സയിലായിരുന്നു.

20 വര്‍ഷമായി ഖത്തറില്‍ ജോലി ചെയ്യുന്ന മാഹിന്‍ ഒന്നര മാസം മുമ്പാണ് ഒടുവില്‍ നാട്ടില്‍ വന്നു മടങ്ങിപ്പോയത്. ഭാര്യ: മൈമൂന. ഏക മകന്‍ മഹ്‌സിന്‍ കുനില്‍ സ്‌കൂള്‍ എട്ടാം തരം വിദ്യാര്‍ത്ഥിയാണ്. സഹോദരങ്ങള്‍: അഹ്മദ്, മൂഹമ്മദ് (ഇരുവരും ഖത്തര്‍), അബ്ദുല്ല(സൗദി), ബീഫാത്വിമ, ഉമ്മാലിമ, മറിയംബി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Kasaragod, Eriyal, Qatar, Obituary, Doha, Kerala, Abdur Rahman Mahin, Hospital, Treatment, Eriyal Juma Masjid. 

Advertisement: