എന്‍ഡോസള്‍ഫാന്‍: ബഷീറും യാത്രയായി; ദുരിതങ്ങളില്ലാത്ത ലോകത്തേക്ക്

ബോവിക്കാനം: എന്‍ഡോസള്‍ഫാന്‍ പ്രയോഗത്തെ തുടര്‍ന്ന് രോഗം ബാധിച്ച് നരക ജീവിതം നയിച്ചിരുന്ന ബഷീറും യാത്രയായി. ബോവിക്കാനം മുതലപ്പാറയിലെ പരേതനായ വളവില്‍ മുഹമ്മദ് കുഞ്ഞി-ആഇശ ദമ്പതികളുടെ മകനാണ് 32 കാരനായ ബഷീര്‍.

പത്ത് വര്‍ഷമായി പൂര്‍ണമായും ശരീരം തളര്‍ന്ന് കിടപ്പിലായിരുന്നു. മുതലപ്പാറയിലെ പ്ലാന്റേഷന്‍ കോര്‍പറേഷന്റെ ഗോഡൗണിന് സമീപത്താണ് ഇവരുടെ വീട്. പ്രദേശത്ത് വര്‍ഷങ്ങളായി എന്‍ഡോസള്‍ഫാന്‍ തളിച്ചു വരികയായിരുന്നു. മുതലപ്പാറയിലെ ഗ്രൗണ്ടില്‍ വെച്ചാണ് കശുമാവുകള്‍ക്ക് തളിക്കാന്‍ വേണ്ടി ഹെലികോപ്ടറില്‍ എന്‍ഡോസള്‍ഫാന്‍ നിറച്ചിരുന്നത്. അതു കൊണ്ടു തന്നെ പ്രദേശത്ത് മറ്റെല്ലാ സ്ഥലത്തേക്കാളും എന്‍ഡോസള്‍ഫാന്റെ സാന്നിധ്യം കടുത്തതായിരുന്നു.

എന്‍ഡോസള്‍ഫാനെതിരായ നിരാഹാര സമരം കാസര്‍കോട്ട് ശക്തിയാര്‍ജിക്കുന്നതിനിടെ ഉണ്ടായ ബഷീറിന്റെ മരണം അധികൃതര്‍ക്കെതിരായ രോഷം ഒന്നുകൂടി ഉണരാന്‍ കാരണമായി. എന്‍ഡോസള്‍ഫാന്‍ ദുരിതബാധിതര്‍ക്കുള്ള സര്‍ക്കാര്‍ സഹായം ബഷീറിന് ലഭിച്ചിരുന്നുവെങ്കിലും വിദഗ്ദ്ധ ചികിത്സ ലഭിക്കാത്തതിനാല്‍ അസുഖം ഭേദമാക്കാന്‍ കഴിഞ്ഞില്ല.  സഹോദരങ്ങള്‍: അബ്ദുല്‍ ഖാദര്‍, അബ്ദുല്ലക്കുഞ്ഞി, ഇസ്ഹാഖ്, സുഹറ, മൈമൂന, മിസ്‌രിയ, സഫിയ.

Keywords: Endosulfan, Bovikanam, Kasaragod, Strike, Kerala News, International News, National News, Gulf News, Health News, Educational News, Business News, Stock News, Gold News.