ബൈക്കപകടത്തില്‍ പരിക്കേറ്റ ഇലക്ട്രീഷ്യന്‍ മരിച്ചു

By kvarthakgd1May 20, 2014, 14:54 IST

കരിവെള്ളൂര്‍: (www.kasargodvartha.com 20.05.2014) ബൈക്കുകള്‍ കൂട്ടിയിടിച്ച് പരിക്കേറ്റ ഇലക്ട്രീഷ്യന്‍ മരിച്ചു. കരിവെള്ളൂര്‍ ടൗണ്‍ ജുമാമസ്ജിദിനടുത്ത ടി. കുഞ്ഞബ്ദുല്ല (46)യാണ് ചൊവ്വാഴ്ച പുലര്‍ച്ചെ മരിച്ചത്. ഓണക്കുന്നിനടുത്ത് തിങ്കളാഴ്ച രാവിലെ 10 മണിയോടെ കുഞ്ഞബ്ദുല്ല സഞ്ചരിച്ച ബൈക്കും മറ്റൊരു ബൈക്കും കൂട്ടിയിടിക്കുകയായിരുന്നു.

അപകടത്തില്‍ ഗുരുതര പരിക്കേറ്റ കുഞ്ഞബ്ദുല്ലയെ ആദ്യം പരിയാരം മെഡിക്കല്‍ കോളജിലും പിന്നീട് മംഗലാപുരത്തും പ്രവേശിപ്പിച്ചെങ്കിലും ചൊവ്വാഴ്ച പുലര്‍ച്ചെ മരണം സംഭവിക്കുകയായിരുന്നു. എം.ടി.പി മുഹമ്മദ് സൈനബ ദമ്പതികളുടെ മകനാണ്.

ബൈക്കപകടത്തില്‍ പരിക്കേറ്റ ഇലക്ട്രീഷ്യന്‍ മരിച്ചു

ഭാര്യ: മറിയം (ചന്തേര). മക്കള്‍: അംജദ് (എഞ്ചിനീയറിംഗ് വിദ്യാര്‍ഥി), അജ്മല്‍ (പ്ലസ് ടു വിദ്യാര്‍ഥി). ചൊവ്വാഴ്ച ഉച്ചയോടെ ടൗണ്‍ ജുമാ മസ്ജിദ് ഖബര്‍സ്ഥാനില്‍ കബറടക്കി.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.