ടിപ്പര്‍ ലോറി നിയന്ത്രണംവിട്ട് മറിഞ്ഞ് ഡ്രൈവര്‍ മരിച്ചു

കുണ്ടംകുഴി: ടിപ്പര്‍ ലോറി നിയന്ത്രണംവിട്ട് 20 അടി താഴ്ചയിലേക്ക് മറിഞ്ഞ് ഡ്രൈവര്‍ മരിച്ചു. ചേടിക്കുണ്ട് മരുതടുക്കം തായല്‍ ഹൗസിലെ പരേതനായ അബ്ദുര്‍ റഹ്മാന്‍- ബീഫാത്വിമ ദമ്പതികളുടെ മകന്‍ സി.എ ഇബ്രാഹിം കുഞ്ഞി(47) യാണ് മരിച്ചത്.

ശനിയാഴ്ച രാത്രി ഏഴ് മണിയോടെയാണ് അപകടം. മരുതടുക്കം സി.എം അബ്ദുല്ല ഹാജിയുടെ വീട്ടു പറമ്പിലേക്കാണ് ലോറി മറിഞ്ഞത്. അപകടത്തില്‍ വീടിനും കേടുപാടുകള്‍ സംഭവിച്ചു. തലയ്ക്ക് ഗുരുതരമായി പരിക്കേറ്റ ഇബ്രാഹിം കുഞ്ഞിനെ ഓടിക്കൂടിയ നാട്ടുകാര്‍ ആശുപത്രിയിലേക്ക് കൊണ്ടുപോകുമ്പോള്‍ വഴിമധ്യേ മരണപ്പെടുകയായിരുന്നു.
ഭാര്യ: അഫ്‌സത്ത്. മക്കള്‍: ഇര്‍ഷാന(13), ഇര്‍ഫാന (11), ഇജാസ് (ഏഴ്), ഇസ്‌റ(അഞ്ച്). സഹോദരങ്ങള്‍: സി.എ യൂസുഫ്, അബൂബക്കര്‍, ആഇശ, ഖദീജ, നഫീസ, പരേതനായ മുഹമ്മദ്.

മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. സംഭവത്തില്‍ ബേഡകം പോലീസ് അന്വേഷണം ആരംഭിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.