കടപ്പുറത്ത് കണ്ടെത്തിയ മൃതദേഹം ട്രെയിന്‍ തട്ടി മരിച്ചയാളുടേതെന്ന് സംശയം

By Web Desk - MainSep 2, 2019, 10:54 IST

കാഞ്ഞങ്ങാട്: (www.kasargodvartha.com 02.09.2019) ചിത്താരി കടപ്പുറത്ത് കണ്ടെത്തിയ മൃതദേഹം ട്രെയിന്‍ തട്ടിമരിച്ചയാളുടേതെന്ന് സംശയിക്കുന്നതായി പോലീസ്. കണ്ണൂര്‍ ഗവ. മെഡിക്കല്‍ കോളജ് ആശുപത്രിയില്‍ പോലീസ് സര്‍ജന്‍ നടത്തിയ പരിശോധനയിലാണ് ഈ നിഗമനത്തിലെത്തിയത്. ഞായറാഴ്ച രാവിലെയാണ് 45 വയസ് തോന്നിക്കുന്ന പുരുഷന്റെ മൃതദേഹം കടപ്പുറത്ത് കണ്ടെത്തയത്.

വിവരമറിയിച്ചതിന്റെ അടിസ്ഥാനത്തില്‍ ഹൊസ്ദുര്‍ഗ് സ്ഥലത്തെത്തി ഇന്‍ക്വസ്റ്റിനു ശേഷം പോസ്റ്റുമോര്‍ട്ടത്തിനായി കൊണ്ടുപോവുകയായിരുന്നു. മരിച്ചയാളെ ഇതുവരെ തിരിച്ചറിഞ്ഞിട്ടില്ല. നീല മുഴുക്കൈഷര്‍ട്ടും മുണ്ടുമാണ് ധരിച്ചിരുന്നത്.