കുളിക്കുന്നതിനിടെ പുഴയില്‍ കാണാതായ യുവാവിന്റെ മൃതദേഹം കണ്ടെത്തി

By Web Desk SUSep 10, 2018, 21:25 IST

ഹൊസങ്കടി: (www.kasargodvartha.com 10.09.2018) കൂട്ടുകാരോടൊപ്പം കുളിക്കുന്നതിനിടെ പുഴയില്‍ കാണാതായ യുവാവിന്റെ മൃതദേഹം കണ്ടെത്തി. ഹൊസങ്കടി പടത്തൂരിലെ പരേതനായ രാമന്‍ - ജാനകി ദമ്പതികളുടെ മകന്‍ മനോജ് കുമാറിന്റെ (26) മൃതദേഹമാണ് കണ്ടെത്തിയത്.

തിങ്കളാഴ്ച അവധിയായതിനാല്‍ ഉച്ചയോടെ കൂട്ടുകാരോടൊപ്പം പടത്തൂര്‍ പുഴയില്‍ കുളിക്കാനിറങ്ങിയതായിരുന്നു. ഇതിനിടെ മനോജിനെ ഒഴുക്കില്‍പ്പെട്ട് കാണാതാവുകയായിരുന്നു. സുഹൃത്തുക്കള്‍ രക്ഷിക്കാന്‍ ശ്രമിച്ചെങ്കിലും സാധിച്ചില്ല. പോലീസും ഫയര്‍ഫോഴ്‌സും നാട്ടുകാരും ചേര്‍ന്ന് നടത്തിയ നാല് മണിക്കൂര്‍ നേരത്തെ തിരച്ചിലിനൊടുവിലാണ് മൃതദേഹം കണ്ടെത്തിയത്. പോസ്റ്റുമോര്‍ട്ടത്തിനായി മൃതദേഹം മംഗല്‍പാടി ആശുപത്രി മോര്‍ച്ചറിയിലേക്ക് മാറ്റി.