പ്രസവത്തിന് പിന്നാലെ രക്തസ്രാവം; സഹകരണ വകുപ്പിൽ ജൂനിയർ ഓഡിറ്ററായ 42-കാരി മരിച്ചു

ബദിയഡുക്ക: (KasargodVartha) പ്രസവത്തെ തുടർന്നുണ്ടായ രക്തസ്രാവത്തെ തുടർന്ന് സഹകരണ വകുപ്പ് ഉദ്യോഗസ്ഥ മരിച്ചു. സഹകരണ വകുപ്പിൽ ജൂനിയർ ഓഡിറ്ററായ മാവിനക്കട്ടയിലെ ടി. നളിനാക്ഷി(42)യാണ് മരിച്ചത്. അരവത്ത് കുതിരക്കോട്ടെ രാഘവന്റെ ഭാര്യയാണ്.

രക്തസ്രാവവും ഹൃദയാഘാതവും

2026 ഫെബ്രുവരി 24 ചൊവ്വാഴ്ചയാണ് നളിനാക്ഷി പെൺകുഞ്ഞിന് ജന്മം നൽകിയത്. നളിനാക്ഷിയുടെ മൂന്നാമത്തെ പ്രസവമാണിത്. പ്രസവത്തിന് പിന്നാലെ കനത്ത രക്തസ്രാവമുണ്ടാകുകയും തുടർന്ന് ഇവർ അബോധാവസ്ഥയിലാകുകയുമായിരുന്നു. ചികിത്സയിലിരിക്കെ ഫെബ്രുവരി 28 ശനിയാഴ്ച രാത്രിയോടെയാണ് മരണം സംഭവിച്ചത്. രക്തസ്രാവവും തുടർന്നുണ്ടായ ഹൃദയാഘാതവുമാണ് മരണകാരണമെന്ന് പറയുന്നു. ധ്യാൻ ദീപ്, ലിഷന്ത് എന്നിവരാണ് നളിനാക്ഷിയുടെ മറ്റ് മക്കൾ.

കണ്ണീരോടെ നാട്

മൃതദേഹം മാർച്ച് ഒന്ന് ഞായറാഴ്ച രാവിലെ അരവത്ത് കുതിരക്കോട്ടെ ഭർതൃവീട്ടിലെത്തിച്ച് പൊതുദർശനത്തിന് വെച്ചു. തുടർന്ന് വൈകിട്ടോടെ മാവിനക്കട്ടയിലെ വീട്ടിലെത്തിച്ച് സംസ്കരിച്ചു. സഹകരണ വകുപ്പിലെ മികച്ച ഉദ്യോഗസ്ഥയായിരുന്ന നളിനാക്ഷിയുടെ ആകസ്മിക വിയോഗം നാടിനെയും സഹപ്രവർത്തകരെയും വലിയ കണ്ണീരിലാഴ്ത്തിയിരിക്കുകയാണ്.

ഈ വാർത്ത ഷെയർ ചെയ്യൂ. പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. പുതിയ അപ്‌ഡേറ്റുകൾ ഉടൻ ലഭിക്കാൻ ഞങ്ങളുടെ ഫേസ്ബുക്ക് പേജ് ഫോളോ ചെയ്യുക. 

Article Summary: T. Nalinakshi, a 42-year-old Junior Auditor in the Cooperative Department, passed away due to severe bleeding and a heart attack following childbirth in Badiyadka.

#BadiyadkaNews #KasaragodNews #KeralaNews #TragicDeath #LocalNewsUpdate #CooperativeDepartment