കോണ്‍ട്രാക്ടര്‍ ഇരിയ ഹസൈനാര്‍ നിര്യാതനായി

ഉദുമ: പി.ഡബ്ല്യു.ഡി കോണ്‍ട്രാക്ടറും പൗരപ്രമുഖനുമായ മാങ്ങാട് വെടിക്കുന്നിലെ ഇരിയ ഹസൈനാര്‍ നിര്യാതനായി. ആറുമാസം മുമ്പ് വൃക്കമാറ്റിവെക്കല്‍ ശസ്ത്രക്രിയയ്ക്ക് വിധേയനായ ഹസൈനാര്‍ ഹൃദയാഘാതത്തെ തുടര്‍ന്നാണ് മരിച്ചത്.

ഞായറാഴ്ച നെഞ്ചുവേദന അനുഭവപ്പെട്ടതിനെ തുടര്‍ന്ന് ട്രെയിനില്‍ കൊച്ചിയിലെ ആശുപത്രിയിലേക്ക് പോകുംവഴി പുലര്‍ച്ചെ ഷൊര്‍ണൂരില്‍ വെച്ചാണ് അന്ത്യമുണ്ടായത്. പരേതരായ ഇരിയ അബ്ദുര്‍ റഹ്മാന്‍-ആസ്യുമ്മ ദമ്പതികളുടെ മകനാണ്.

ഭാര്യ: ബീവി. മക്കള്‍: ബിന്‍ഷാദ് (സൗദി), നൗഷാദ് (ഷാര്‍ജ), സമീറ, ഹസീന, ഷാഹിന. മരുമക്കള്‍: അബ്ദുര്‍ റഹ്മാന്‍, ഷുക്കൂര്‍ (ഇരുവരും ഷാര്‍ജ), സുബൈര്‍ (ചിത്താരി), റുബീന, ഹസീന. സഹോദരങ്ങള്‍: ഇ. ഉബൈദ്, ഇ. ഉസ്മാന്‍, ഇ. ഹമീദ്, ഇ. കുഞ്ഞാമിന, ഇ. ബീവി, പരേതനായ ഇ. മുഹമ്മദ്കുഞ്ഞി.

വെടിക്കുന്ന് ജുമാമസ്ജിദ് ഖബര്‍സ്ഥാനില്‍ ഖബറടക്കി.