Organ Donation | ഭര്ത്താവിന്റെ ബന്ധുവിന് കരള്‍ ദാനം ചെയ്ത കോളജ് അധ്യാപിക മരിച്ചു
● ഭര്ത്താവിന്റെ ബന്ധുവിന് കരള്‍ ദാനം ചെയ്ത അധ്യാപിക മരിച്ചു.
● 12 ദിവസം മുമ്പ് ശസ്ത്രക്രിയ വിജയകരമായിരുന്നു, എന്നാൽ ആരോഗ്യനില വഷളായി.
● ഈ സംഭവം കുടുംബത്തെയും പ്രദേശവാസികളെയും ദുഖത്തിലാഴ്ത്തി.
മംഗളൂരു: (KasargodVartha) ഭര്ത്താവിന്റെ ബന്ധുവിന് കരള്‍ ദാനം ചെയ്തതിന് പിന്നാലെ കോളജ് അധ്യാപികയ്ക്ക് ജീവൻ നഷ്ടമായി. മനെല്‍ ശ്രീനിവാസ എം.ബി.എ കോളജിലെ അധ്യാപികയായ അർച്ചന കാമത്ത് (33) ആണ് ഭർത്താവിന്റെ ബന്ധുവിന് കരൾ ദാനം ചെയ്തതിന് പിന്നാലെ മരിച്ചത്.
പൊലീസ് നൽകിയ വിവരമനുസരിച്ച്, അർച്ചനയുടെ ഭർത്താവ് സി.എ. ചേതൻ കുമാറിന്റെ ബന്ധുവിന് കരൾ മാറ്റിവെക്കൽ ശസ്ത്രക്രിയ ആവശ്യമായി വന്നു. എന്നാൽ യോജിച്ച രക്തഗ്രൂപ്പുള്ള കരൾ ദാതാവ് ലഭ്യമായില്ല. ഈ സാഹചര്യത്തിൽ അർച്ചന തന്റെ കരളിന്റെ ഒരു ഭാഗം ദാനം ചെയ്യാൻ തീരുമാനിക്കുകയായിരുന്നു.
ബംഗളൂരുവിലെ ഒരു സ്വകാര്യ ആശുപത്രിയിൽ വച്ച് 12 ദിവസം മുമ്പ് നടന്ന ശസ്ത്രക്രിയ വിജയകരമായിരുന്നു. കരൾ സ്വീകരിച്ച വ്യക്തി ഇപ്പോൾ സുഖമായിരിക്കുന്നു. എന്നാൽ, അർച്ചനയുടെ ആരോഗ്യനില പെട്ടെന്ന് വഷളാവുകയും തുടർന്ന് മംഗളൂരുവിലെ ഒരു സ്വകാര്യ ആശുപത്രിയിൽ പ്രവേശിപ്പിക്കുകയും ചെയ്തു. എന്നാൽ ചികിത്സയ്ക്കിടെ അർച്ചന മരണപ്പെടുകയായിരുന്നു.
ഈ സംഭവം കുടുംബത്തെയും പ്രദേശവാസികളെയും കണ്ണീരിലാഴ്ത്തി.
#LiverDonation #MedicalTragedy #Mangalore #CommunitySupport #OrganDonation #Healthcare
Tags
Share this story
