ബൈക്കില്‍ ലോറിയിടിച്ച് അധ്യാപകന്‍ മരിച്ചു

കാസര്‍കോട്: കുണിയയില്‍ ലോറിയിടിച്ച് ബൈക്ക് യാത്രക്കാരാനായ അധ്യാപകന്‍ മരിച്ചു. മുന്നാട് പീപ്പള്‍സ് കോളജിലെ കൊമേഴ്‌സ് അധ്യാപകന്‍ മുന്നാട് മുണ്ടാട്ട് ഹൗസിലെ വിജേഷാ (26)ണ് മരിച്ചത്.

ശനിയാഴ്ച വൈകിട്ട് ദേശീയപാതയിൽ കുണിയ ഹാജി നഗറിലാണ് അപകടം. ബന്ധുവിന്റെ ഗൃഹപ്രവേശന ചടങ്ങില്‍ പങ്കെടുത്ത് മടങ്ങുകയായിരുന്നു വിജേഷ്. കാഞ്ഞങ്ങാട് ഭാഗത്തേക്ക് പോവുകയായിരുന്ന വിജേഷ് ഓടിച്ച ബൈക്ക് കാഞ്ഞങ്ങാട് ഭാഗത്ത് നിന്ന് അമിതവേഗതില്‍ വന്ന ലോറിയില്‍ ഇടക്കുകയായിരുന്നു. ഇടിയുടെ ആഘാതത്തില്‍ റോഡിലേക്ക് തെറിച്ചുവീണ വിജേഷിനെ ഉടന്‍തന്നെ കാസര്‍കോട് സ്വകാര്യ ആശുപത്രിയിലെത്തിച്ചുവെങ്കിലും രക്ഷിക്കാനായില്ല.

മൃതദേഹം പോസ്റ്റുമോര്‍ട്ടത്തിനായി കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.  കുഞ്ഞമ്പുവിനെയും വിജയിയുടെയും മകനാണ് മരിച്ച വിജേഷ്. സഹോദരങ്ങള്‍: സജിത്ത്, ശാലിനി.

Advertisement: