ചിന്നു പാപ്പുവിന്റെ മരണം: പോലീസ് ചോദ്യം ചെയ്ത് വിട്ടയച്ച സുഹൃത്തിനെ മരിച്ച നിലയിൽ കണ്ടെത്തി

കാസർകോട്: (KasargodVartha) സോഷ്യൽ മീഡിയ ഇൻഫ്ലുവൻസർ ചിന്നു പാപ്പു എന്നറിയപ്പെട്ടിരുന്ന രേഷ്മ (24)യുടെ മരണത്തിന് പിന്നാലെ പോലീസ് ചോദ്യം ചെയ്ത് വിട്ടയച്ച ആൺസുഹൃത്തിനെ മരിച്ച നിലയിൽ കണ്ടെത്തി. ഉളിയത്തടുക്ക മന്നിപ്പാടി ഹൗസിലെ നാരായണനായിക്ക്–സരോജ ദമ്പതികളുടെ മകൻ സന്ദേശ് (29) ആണ് മരിച്ചത്. ഞായറാഴ്ച (15.02.2026) ഉച്ചയ്ക്ക് ശേഷം രണ്ടുമണിയോടെയാണ് വീട്ടിനകത്ത് തൂങ്ങി മരിച്ച നിലയിൽ കണ്ടെത്തിയത്.

ചോദ്യം ചെയ്ത് വിട്ടയച്ചു

ഇൻഫ്ലുവൻസർ രേഷ്മയുടെ മരണവുമായി ബന്ധപ്പെട്ട അന്വേഷണത്തിന്റെ ഭാഗമായി സന്ദേശിനെ പോലീസ് സ്റ്റേഷനിൽ വിളിച്ചുവരുത്തി ചോദ്യം ചെയ്തിരുന്നു. ഡോർ പോളിഷ് തൊഴിലാളിയായ സന്ദേശിന്റെ വിശദീകരണം രേഖപ്പെടുത്തി വിട്ടയച്ചതായാണ് വിവരം. ഇതിന് പിന്നാലെയാണ് യുവാവിനെ മരിച്ചനിലയിൽ കണ്ടെത്തിയത്.

അന്വേഷണം ശക്തം

സംഭവവിവരം അറിഞ്ഞെത്തിയ പോലീസ് ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി. രണ്ട് മരണങ്ങളുമായി ബന്ധപ്പെട്ട കാര്യങ്ങൾ ഉൾപ്പെടുത്തി പോലീസ് അന്വേഷണം ശക്തമാക്കിയിട്ടുണ്ട്. യുവാവിന്റെ മരണം കുടുംബാംഗങ്ങളെയും നാട്ടുകാരെയും ഞെട്ടലിലാഴ്ത്തി.

ശ്രദ്ധിക്കുക: സ്വയം ജീവനൊടുക്കുന്നത് ഒന്നിനും പരിഹാരമല്ല. മാനസിക സംഘർഷം അനുഭവിക്കുന്നവർ സഹായം തേടുക. അതിജീവിക്കാൻ ശ്രമിക്കുക. ഹെൽപ്പ് ലൈൻ നമ്പർ: 1056, 0471-2552056.

ഈ വാർത്തയോട് പ്രതികരിക്കാൻ കമന്റ് ബോക്സ് ഉപയോഗിക്കാം. വാർത്ത സുഹൃത്തുകൾക്ക് ഷെയർ ചെയ്യൂ. പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ.

Article Summary: Sandesh (29), a friend of deceased social media influencer Chinnu Pappu, was found hanging in his house in Kasaragod on Sunday. He had been questioned by the police regarding her death.

#Kasaragod #ChinnuPappu #Sandesh #Suicide #CrimeNews #KeralaPolice #Investigation #SocialMediaInfluencer