എലിവിഷം ഉള്ളിൽച്ചെന്ന് ചികിത്സയിലായിരുന്ന കോളജ് വിദ്യാർഥിനി മരിച്ചു
● ചെറുവത്തൂർ കൈതക്കാട് സ്വദേശിനിയായ യു മുബശ്ശിറ ആണ് മംഗ്ളൂരിലെ മരിച്ചത്
● കൈതക്കാട് അൽ വർദ വുമൺസ് കോളേജിലെ പ്രഥമ വർഷ ബിരുദ വിദ്യാർത്ഥിനിയായിരുന്നു മുബശ്ശിറ
● ചന്തേര പൊലീസ് നിലവിൽ അസ്വാഭാവിക മരണത്തിന് ഔദ്യോഗികമായി കേസെടുത്തു
ചെറുവത്തൂർ: (KasargodVartha) എലിവിഷം ഉള്ളിൽച്ചെന്ന നിലയിൽ ചികിത്സയിലായിരുന്ന കോളജ് വിദ്യാർഥിനി മരിച്ചു. കൈതക്കാട് - പയ്യങ്കി ബിസ്മില്ല റോഡിൽ താമസിക്കുന്ന യു അബ്ദുൽ റഹ്മാൻ, യു എം ഫാത്വിമ ദമ്പതികളുടെ മകൾ മുബശ്ശിറ (19) ആണ് മരിച്ചത്.
മംഗ്ളൂരിലെ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലിരിക്കെ ബുധനാഴ്ച വൈകിട്ട് 5.30-ഓടെയായിരുന്നു മരണം സംഭവിച്ചതെന്ന് ചന്തേര പൊലീസ് അറിയിച്ചു. ജൂൺ രണ്ടിനാണ് വിദ്യാർഥിനിയെ വിഷാംശം ഉള്ളിൽച്ചെന്ന നിലയിൽ ആശുപത്രിയിൽ പ്രവേശിപ്പിച്ചത്.
അസ്വാഭാവിക മരണത്തിന് കേസ്
കൈതക്കാട് അൽ വർദ വുമൺസ് കോളജിലെ വിദ്യാർഥിനിയായിരുന്നു മുബശ്ശിറ. എലിവിഷം ഉള്ളിൽ ചെന്നതാണെന്നാണ് പ്രാഥമിക നിഗമനമെന്നും അസ്വാഭാവിക മരണമെന്ന നിലയിലാണ് അന്വേഷണം പുരോഗമിക്കുന്നതെന്നും പൊലീസ് വ്യക്തമാക്കി.
ഫാഇസ, റാശിദ, സൽമാൻ എന്നിവർ സഹോദരങ്ങളാണ്.
പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക.
Article Summary: A 19-year-old college student from Cheruvathur died while undergoing treatment at a hospital in Mangaluru after allegedly consuming rat poison.
#Cheruvathur #KasargodNews #KeralaNews #StudentDeath #ChanderaPolice #RenuNews
