സി. കുഞ്ഞഹ്മദ് മുസ്‌ലിയാര്‍ നിര്യാതനായി
Nov 15, 2012, 12:59 IST
തൃക്കരിപ്പൂര്‍: സുന്നിപണ്ഡിതനും തൃക്കരിപ്പൂര്‍ അല്‍ മുജമ്മ ഉല്‍ ഇസ്‌ലാമി ജനറല്‍ സെക്രട്ടറിയുമായ തൃക്കരിപ്പൂര്‍ നീലംബത്തെ സി. കുഞ്ഞഹ്മദ് മുസ്‌ലിയാര്‍ (72) നിര്യാതനായി. ഖബറടക്കം വ്യാഴാഴ്ച രാവിലെ നീലമ്പം ഹൈദ്രോസ് മസ്ജിദ് ഖബര്‍സ്ഥാനില്‍ നടന്നു.
ദേളി ജാമിഅ: സഅദിയ: ഇസ്‌ലാമിയ: അറബിക് കോളജ് വര്‍ക്കിംഗ് സെക്രട്ടറിയായി ദേളിയിലെ പ്രവര്‍ത്തിച്ചുവരികയായിരുന്നു. മുദരിസ്, സമസ്ത ജില്ലാ മുശാവറ വൈസ് പ്രസിഡന്റ്, താലൂക്ക് പ്രസിഡന്റ് എന്നീ നിലകളിലും സേവനം അനുഷ്ഠിച്ചു.
വള്‍വക്കാട്, വെള്ളാപ്പ്, ചിത്താരി, കാടങ്കോട്, ഉദിനൂര്‍ , അല്‍മഖര്‍ എന്നിവിടങ്ങളില്‍ മുദരിസായിരുന്നു. ഖാസി സി.എം. അബ്ദുല്ല മൗലവി, ബേക്കല്‍ അഹ്മദ് മുസ്‌ലിയാര്‍ എന്നിവര്‍ ഉള്‍പെടെ നിരവധി ശിഷ്യന്മാര്‍ ഇദ്ദേഹത്തിനുണ്ട്. മലേഷ്യ, സിങ്കപ്പൂര്‍, യു.എ.ഇ., സൗദി, ഖത്തര്‍, ബഹറൈന്‍, മസ്കറ്റ്, കുവൈത്ത് തുടങ്ങിയ രാഷ്ട്രങ്ങള്‍ സന്ദര്‍ശിച്ചിട്ടുണ്ട്.
ഭാര്യ: മാടമ്പില്ലത്ത് റാബിയ ഹജ്ജുമ്മ. മക്കള്‍: ജുനൈദ് (കെ.എസ്.ഇ.ബി , പടന്ന), നസ്വീബ, മഅറൂഫ് (വ്യാപാരി, നീലംബം), സുഹൈര്‍, ജാബിര്‍ കാമില്‍ സഖാഫി (മാനേജര്‍, തൃക്കരിപ്പൂര്‍ അല്‍ മുജമ്മ ഉല്‍ ഇസ്‌ലാമി), പരേതനായ മൊയീനുദ്ദീന്‍. മരുമക്കള്‍: സുലൈഖ, റഹ്മാബി, രിസ്‌വാന, സുഹാദ.
സഹോദരങ്ങള്‍: ഡോ. എസ്.വി. അബ്ദുല്‍ ഖാദര്‍, എസ്.വി. അബ്ദുല്ല (സ്റ്റാമ്പ് വെണ്ടര്‍, തൃക്കരിപ്പൂര്‍), സി. കാസിം, അബ്ദുല്‍ മജീദ് മാസ്റ്റര്‍, അസൈനാര്‍ ഹാജി, സാറുമ്മ, കുഞ്ഞാമിന, ഖദീജ.
Keywords: Obituary, Leader, Trikaripur, Kasaragod, Kerala, C. Kunhammed Musliyar
Tags
Share this story
