ബസുടമ ഹൃദയാഘാതംമൂലം മരിച്ചു

By Web Desk - MainApr 30, 2018, 11:25 IST

കോട്ടിക്കുളം: (www.kasargodvartha.com 30.04.2018) ബസുടമ ഹൃദയാഘാതംമൂലം മരിച്ചു. പാലക്കുന്ന്, പൊയ്‌നാച്ചി വഴി കാസര്‍കോട്- കാഞ്ഞങ്ങാട് റൂട്ടിലോടുന്ന ഹക്കീം ബസുടമ മുതിയക്കാലിലെ എ.കെ. അബ്ദുല്ല ഹാജി (78) യാണ് മരിച്ചത്. തളിപ്പറമ്പിലെ ഭാര്യാ വീട്ടില്‍ വെച്ചായിരുന്നു അന്ത്യം. മുതിയക്കാല്‍ വഴി ഗതാഗത സൗകര്യം നിലവില്ലാതിരുന്ന പഴയ കാലത്ത് സ്വന്തം നാട്ടുകാരോടുള്ള കാരുണ്യം മാനിച്ച് ഹക്കീം എന്ന പേരില്‍ അബ്ദുല്ല ബസ് സര്‍വീസ് ആരംഭിക്കുകയായിരുന്നു.

ഇന്ന് ഏഴില്‍പരം ഹക്കീം ബസുകള്‍ ഈ വഴി സര്‍വീസ് നടത്തുന്നുണ്ട്. കാരുണ്യ യാത്രക്കായി ബസ് സര്‍വീസ് നടത്തിയും കൂടാതെ ആതുരാലയങ്ങളും ആരാധനാലയങ്ങളും പണിയാന്‍ സഹായഹസ്തങ്ങള്‍ നീട്ടാറുള്ള അബ്ദുല്ലയുടെ മരണം നാടിന്റെ നൊമ്പരമായി. നേരത്തെ സിഗപ്പൂരില്‍ ഹോട്ടല്‍ വ്യാപാരം നടത്തിവന്നിരുന്നു. നേരത്തെ കളനാട് കൊമ്പമ്പാറയില്‍ താമസിച്ചിരുന്നു.