ബൈക്കില്‍ ബസിടിച്ച് നാലര വയസുകാരി മരിച്ചു

കുമ്പള: ബൈക്കില്‍ ബസിടിച്ച് നാലര വയസുകാരി മരിച്ചു. മാതാപിതാക്കള്‍ക്ക് സാരമായി പരിക്കേറ്റു. കളത്തൂരിലെ മുസ്തഫ-റിയാന ദമ്പതികളുടെ മകള്‍ റിഷാന(നാലര)യാണ് മരിച്ചത്. പിതാവ് മുസ്തഫ(35), മാതാവ് റിയാന(26) എന്നിവര്‍ക്കാണ് സാരമായി പരിക്കേറ്റത്. ഇവരെ കാസര്‍കോട് സ്വകാര്യാശുപത്രിയില്‍ പ്രവേശിപ്പിച്ചു.

വ്യാഴാഴ്ച വൈകിട്ട് കുമ്പള ആരിക്കാടി ദേശീയപാതയില്‍ ഹനുമാന്‍ ക്ഷേത്രത്തിനു സമീപം വെച്ചായിരുന്നു അപകടമുണ്ടായത്. മുസ്തഫയും, റിഷാനയും, റിയാനയും സഞ്ചരിച്ച ബൈക്കില്‍ ബസിടിക്കുകയായിരുന്നു. ഉടന്‍ തന്നെ റിഷാനയെ കുമ്പള സഹകരണാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. അപകടം വരുത്തിയ ബസ് ഡ്രൈവര്‍ക്കെതിരെ പോലീസ് കേസെടുത്തു.