ബസ് ക്ലീനര്‍ അസുഖത്തെ തുടർന്ന് മരിച്ചു

By Web Desk - MainNov 1, 2018, 16:02 IST

കാഞ്ഞങ്ങാട്: (www.kasargodvartha.com 01.11.2018) സ്വകാര്യ ബസിലെ മുന്‍ ക്ലീനറും ചെങ്കല്‍ തൊഴിലാളിയുമായി യുവാവ് അസുഖംമൂലം മരണപ്പെട്ടു. കാരാക്കോട് വാരിക്കയില്‍ ജോസ്-വത്സമ്മ ദമ്പതികളുടെ മകന്‍ ബിനോജാ(37)ണ് മരണപ്പെട്ടത്. ബുധനാഴ്ച രാത്രി വയറുവേദനയെ തുടര്‍ന്ന് സ്വകാര്യ ആശുപത്രിയില്‍ ചികിത്സ തേടിയിരുന്നു. വ്യാഴാഴ്ച രാവിലെ വിദഗ്ദ്ധ ചികിത്സക്കായി മംഗളൂരുവിലേക്ക് പോകുവാന്‍ തീരുമാനിച്ചതായിരുന്നു.

ഇതിനിടയില്‍ രാവിലെ വയറുവേദന കലശലാവുകയും ഉടന്‍ തന്നെ ജില്ലാശുപത്രിയില്‍ എത്തിച്ചുവെങ്കിലും മരണപ്പെടുകയായിരുന്നു. സഹോദരങ്ങള്‍: ബിനോയ്, ബിന്ദു.