പുഴയില്‍ വീണ് കാണാതായ ബി.ജെ.പി പ്രവര്‍ത്തകന്റെ മൃതദേഹം കടപ്പുറത്ത് കണ്ടെത്തി

ഉപ്പള: ഭാര്യാ വീട്ടിലേക്ക് പോകുന്നതിനിടെ പുഴയില്‍ വീണ് കാണാതായ ബി.ജെ.പി പ്രവര്‍ത്തകന്റെ മൃതദേഹം കടപ്പുറത്ത് കണ്ടെത്തി. ഉപ്പള പ്രതാപ് നഗര്‍ സ്വദേശിയും ബി.ജെ.പി മംഗല്‍പാടി പഞ്ചായത്ത് 72 -ാം നമ്പര്‍ ബൂത്ത് പ്രസിഡന്റുമായ ഗണേശന്‍ (42) ആണ് മരിച്ചത്. ബുധനാഴ്ച വൈകിട്ട് നാല് മണിയോടെ മൂസോടി അദീക്ക കടപ്പുറത്താണ് മൃതദേഹം കണ്ടെത്തിയത്.

ബുധനാഴ്ച രാവിലെ 11 മണിയോടെ പത്വാടി പുഴയില്‍ അബദ്ധത്തില്‍ വീണ് ഗണേശിനെ കാണാതാവുകയായിരുന്നു. പുഴക്കരയിലുള്ള ഭാര്യ വീട്ടിലേക്ക് നടന്നു പോകുമ്പോഴാണ് ഗണേശന്‍ കാല്‍വഴുതി പുഴയില്‍ വീണ് ഒഴുക്കില്‍പെട്ടത്. തുടര്‍ന്ന് നാട്ടുകാരും പോലീസും തിരച്ചില്‍ നടത്തി വരുന്നതിനിടെയാണ് വൈകിട്ട് കടപ്പുറത്ത് മൃതദേഹം കരയ്ക്കടിഞ്ഞത്.

പ്രതാപ് നഗറിലെ കണ്ടപ്പ വെളിച്ചപ്പാടിന്റെയും ദേവകിയുടെയും മകനാണ്. ഭാര്യ: യശോദ. മക്കള്‍: സന്ദേശ്, അശ്വിനി, ചൈത്ര. സഹോദരങ്ങള്‍: പുഷ്പ, ശൈലജ, ഉമാവതി, രാജേഷ്, ജഗദീഷ്, പ്രവീണ്‍.

Also Read:
പാളത്തില്‍ മരിച്ചയാളുടെ ഫോട്ടോയെടുക്കുന്നതിനിടെ 3 യുവാക്കള്‍ ട്രെയിന്‍ തട്ടി മരിച്ചു

Keywords:  River, Missing, BJP, Deadbody, House, Uppala, Kasaragod, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.