ബി.ജെ.പി. മുന്‍ പഞ്ചായത്ത് അംഗം വാഹനാപകടത്തില്‍ മരിച്ചു

By Web Desk - MainFeb 23, 2018, 20:38 IST

പള്ളിക്കര: (www.kasargodvartha.com 23.02.2018) ബി.ജെ.പി. മുന്‍ പഞ്ചായത്ത് അംഗം വാഹനാപകടത്തില്‍ മരിച്ചു. ബി.ജെ.പി. മുന്‍ പള്ളിക്കര പഞ്ചായത്ത് അംഗം ചേറ്റുകുണ്ട് കീക്കാനിലെ ഗണേശന്‍ (53) ആണ് മരിച്ചത്. വെള്ളിയാഴ്ച രാവിലെ 6.30 മണിയോടെ വീടിനു സമീപത്താണ് അപകടമുണ്ടായത്. കണ്ണൂരില്‍ നിന്നും വരികയായിരുന്ന കാര്‍ ഗണേശന്‍ സഞ്ചരിച്ച സ്‌കൂട്ടറില്‍ ഇടിക്കുകയായിരുന്നു.

ഉടന്‍ കാഞ്ഞങ്ങാട്ടെയും തുടര്‍ന്ന് മംഗളൂരുവിലെയും ആശുപത്രികയില്‍ എത്തിച്ചെങ്കിലും മരണം സംഭവിക്കുകയായിരുന്നു. റിട്ട. പ്രധാനാധ്യാപകന്‍ ജനാര്‍ദന- ലളിത ദമ്പതികളുടെ മകനാണ്. ഭാര്യ: പ്രേമലത. ഏക മകള്‍ ദീക്ഷ്യ (10-ക്ലാസ് വിദ്യാര്‍ത്ഥിനി). സഹോദരങ്ങള്‍: ഗിരീഷ്, ഗായത്രി. എല്‍ ഐ സി ഏജന്റാണ് മരിച്ച ഗണേശന്‍.