ബൈക്ക് ഇലക്ട്രിക് പോസ്റ്റിലിടിച്ച് യുവാവ് മരിച്ചു

Shaiju

ഉദുമ: തച്ചങ്ങാട് അമ്പങ്ങാട്ട് ബൈക്ക് ഇലക്ട്രിക് പോസ്റ്റിലിടിച്ച് യുവാവ് മരിച്ചു. പാലക്കുന്ന് ആറാട്ടുകടവിലെ ഭാസ്‌കരന്‍-രമണി ദമ്പതികളുടെ മകന്‍ ഷൈജു (26) ആണ് മരിച്ചത്. കൂടെയുണ്ടായിരുന്ന ഉദുമ സൗപര്‍ണ്ണികയിലെ നാരായണന്റെ മകന്‍ സുധീഷിനെ (25) പരിക്കുകളോടെ കാഞ്ഞങ്ങാട്ടെ സ്വാകാര്യ ആശുപത്രിയില്‍ പ്രവേശിപ്പിച്ചു.

വൈകുന്നേരം ആറ് മണിയോടെ പെരിയട്ടടുക്കം ഭാഗത്ത് നിന്നും ഗ്രാനൈററ് ജോലി കഴിഞ്ഞ് തിരിച്ചു വരുന്നതിനിടയില്‍ നിയന്ത്രണം വിട്ട ബൈക്ക് ഇലക്ട്രിക് പോസ്റ്റിലിടിച്ച് മറിയുകയായിരുന്നു. ഇടിയുടെ ആഘാതത്തില്‍ തലയ്ക്ക് ഗുരുതമായി പരിക്കേററ ഷൈജു സംഭവ സ്ഥലത്ത് വെച്ച് തന്നെ മരണപ്പെട്ടു. മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി.

സഹോദരങ്ങള്‍: ബൈജു, ഷിജു, സുജിത്ര.