വിവാഹ ചടങ്ങില്‍ പങ്കെടുക്കാന്‍ പോവുകയായിരുന്ന കര്‍ഷകന്‍ കുഴഞ്ഞുവീണു മരിച്ചു

By Web Desk SNNov 13, 2017, 16:42 IST

ഉപ്പള: (www.kasargodvartha.com 13.11.2017) വിവാഹ ചടങ്ങില്‍ പങ്കെടുക്കാന്‍ പോവുകയായിരുന്ന കര്‍ഷകന്‍ കുഴഞ്ഞുവീണു മരിച്ചു. ബായാര്‍ ബള്ളൂരിലെ മോണപ്പ പൂജാരി (75)യാണ് മരിച്ചത്. കുമ്പളയില്‍ നടക്കുന്ന വിവാഹചടങ്ങില്‍ പങ്കെടുക്കാന്‍ ബസില്‍ പോവുകയായിരുന്നു മോണപ്പ. മുളിഗദ്ദെയില്‍ എത്തിയപ്പോള്‍ ശാരീരികാസ്വാസ്ഥ്യം അനുഭവപ്പെട്ട മോണപ്പ കുഴഞ്ഞുവീഴുകയായിരുന്നു.

ഉടന്‍ ആശുപത്രിയിലെത്തിച്ചെങ്കിലും മരണം സംഭവിച്ചു. ഭാര്യ: ലക്ഷ്മി. മക്കള്‍: പുരുഷോത്തമ, ഉമേശ, ലളിത, മീനാക്ഷി, പുഷ്പ, ചമ്പാവതി. മരുമക്കള്‍: സഞ്ജീവ, തിമ്മപ്പ, ആനന്ദ, പത്മനാഭ, ഭവ്യ, വിനുത. സഹോദരങ്ങള്‍: ഉമ്മണ പൂജാരി, ബാബു പൂജാരി, കല്ല്യാണി, രുഗ്മിണി. സിപിഎം പ്രവര്‍ത്തകനാണ് മരിച്ച മോണപ്പ.