ബന്തിയോട് ദേശീയപാതയിൽ വാഹനാപകടം; യുവാവ് മരിച്ചു, കൂടെയുണ്ടായിരുന്ന 2 പേർക്ക് പരിക്ക്

ബന്തിയോട്: (KasargodVartha) കുമ്പള-മംഗ്ളൂരു ദേശീയപാതയിൽ ബന്തിയോട് ഉണ്ടായ വാഹനാപകടത്തിൽ യുവാവ് മരിച്ചു. രണ്ട് പേർക്ക് പരിക്കേറ്റു. ദക്ഷിണ കന്നഡ ജില്ലയിലെ ഉഡുപ്പി പടുബിദ്രി ബങ്കരെ റോഡിലെ അബ്ദുൽ റഹീമിൻ്റെ മകൻ മുഹമ്മദ് റാഹിൽ (34) ആണ് മരിച്ചത്. ഉപ്പള ബാപ്പായിത്തൊട്ടിയിലെ അബ്ദുൽ ജസീർ, ഉപ്പള കുറിച്ചിപ്പള്ളയിലെ മുഹമ്മദ് റൈസ് എന്നിവർക്കാണ് പരിക്കേറ്റത്. ഇരുവരും മംഗ്ളൂരിൽ സ്വകാര്യ ആശുപത്രിയിൽ ചികിത്സയിലാണ്.

അപകടം പുലർച്ചെ

2026 മേയ് 17 ഞായറാഴ്ച പുലർച്ചെ ഒരു മണിയോടെയാണ് അപകടം നടന്നത്. മുഹമ്മദ് റാഹിലും സുഹൃത്തുക്കളും രണ്ട് സ്‌കൂട്ടറുകളിലായി ഉപ്പള ഭാഗത്തുനിന്ന് ബന്തിയോട് ഭാഗത്തേക്ക് യാത്ര ചെയ്യുന്നതിനിടെയാണ് അപകടമുണ്ടായത്. അതേ ദിശയിൽ വന്ന കാർ സ്‌കൂട്ടറുകളിൽ ഇടിക്കുകയായിരുന്നുവെന്നാണ് കുമ്പള പോലീസ് രജിസ്റ്റർ ചെയ്ത കേസിൽ പറയുന്നത്.

ചികിത്സയിലിരിക്കെ മരണം

അപകടത്തിൽ പരിക്കേറ്റ മൂന്ന് പേരെയും നാട്ടുകാരും പോലീസും ചേർന്ന് ഉടൻ മംഗ്ളൂരിൽ ആശുപത്രിയിലെത്തിച്ചു. ചികിത്സയ്ക്കിടെ മുഹമ്മദ് റാഹിൽ ഞായറാഴ്ച രാവിലെ 10 മണിയോടെ മരിച്ചു. മറ്റ് രണ്ട് പേർ ചികിത്സയിലാണെന്ന് ആശുപത്രി വൃത്തങ്ങൾ അറിയിച്ചു.

അപകടവുമായി ബന്ധപ്പെട്ട് കാർ ഓടിച്ചിരുന്നയാൾക്കെതിരെ കുമ്പള പോലീസ് കേസെടുത്തു. അപകടകാരണം സംബന്ധിച്ച് അന്വേഷണം തുടരുകയാണെന്ന് പോലീസ് അറിയിച്ചു.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതൽ വാർത്തകൾ അറിയാൻ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജില്‍ ഈ വാര്‍ത്തയുടെ താഴെ കമൻ്റായി രേഖപ്പെടുത്തുക.

Article Summary: A 34-year-old man from Udupi died, and two of his friends were injured when a car crashed into their scooters on the Kumbla-Mangaluru National Highway at Bantiyodu early Sunday morning.

#Bantiyodu #KasaragodNews #RoadAccident #KumblaPolice #KeralaNews #LocalNews