ബുള്ളറ്റും വാനും കൂട്ടിയിടിച്ച് ബാങ്ക് മാനേജര്‍ മരിച്ചു

By Web Desk - MainSep 2, 2019, 11:03 IST

ചെറുവത്തൂര്‍: (www.kasargodvartha.com 02.09.2019) ബുള്ളറ്റും വാനും കൂട്ടിയിടിച്ച് ബാങ്ക് മാനേജര്‍ മരിച്ചു. എസ് ബി ഐ കണ്ണൂര്‍ അഡ്മിനിസ്‌ട്രേറ്റീവ് ചീഫ് മാനേജറും കാസര്‍കോട് കുഡ്‌ലു സ്വദേശിയുമായ ഗിരീഷ് കുമാര്‍ ആണ് മരിച്ചത്. തിങ്കളാഴ്ച രാവിലെ 7.50 മണിയോടെ പിലിക്കോട് തോട്ടം ഗേറ്റിലാണ് അപകടമുണ്ടായത്. ഗിരീഷ് കുമാര്‍ സഞ്ചരിച്ച കെ എല്‍ 07 പി ജി 2872 നമ്പര്‍ ബുള്ളറ്റില്‍ എതിരെ വരികയായിരുന്ന വാനിടിക്കുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

കാഞ്ഞങ്ങാട് ഭാഗത്തു നിന്നും കണ്ണൂരിലേക്ക് പോവുകയായിരുന്നു ഗിരീഷ് കുമാര്‍. ഇതിനിടെയാണ് അപകടമുണ്ടായത്. മൃതദേഹം ചെറുവത്തൂര്‍ കെ എ എച്ച് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. ചന്തേര അഡീ. എസ് ഐ വിജയന്റെ നേതൃത്വത്തില്‍ മൃതദേഹം ഇന്‍ക്വസ്റ്റ് നടത്തി.

വെള്ളിക്കോത്തെ അമ്പിളിയാണ് ഭാര്യ. ഏക മകള്‍ അനഘ ഗിരീഷ്.