പനി ബാധിച്ച് കുട്ടികളുടെ മരണം ആവര്‍ത്തിക്കുന്നു; കോഴിക്കോട്ട് ചികിത്സയിലായിരുന്ന കുട്ടി മരിച്ചു

കാസര്‍കോട്: (www.kasargodvartha.com 28.07.2019) കാസര്‍കോട് ജില്ലയില്‍ പനി ബാധിച്ച് കുട്ടികളുടെ മരണം ആവര്‍ത്തിക്കുന്നു. കോഴിക്കോട്ട് ചികിത്സയിലായിരുന്ന കുട്ടി മരിച്ചു. തൈക്കടപ്പുറം പാലിച്ചോന്‍ അമ്പല പരിസരത്ത് താമസിക്കുന്ന ജിജീഷ്- രമ്യ ദമ്പതികളുടെ ഒരു വയസ് പ്രായമായ മകള്‍ ദയാലക്ഷ്മിയാണ് പനി ബാധിച്ച് കോഴിക്കോട്ടെ സ്വകാര്യ ആശുപത്രിയില്‍ വെച്ച് മരിച്ചത്. ദിയാ ലക്ഷ്മി ദമ്പതികളുടെ മറ്റൊരു മകളാണ്.

കാസര്‍കോട് ബദിയടുക്ക കന്യപ്പാടിയില്‍ പനി ബാധിച്ച് കഴിഞ്ഞ ദിവസം ഒരു കുടുംബത്തിലെ രണ്ട് കുട്ടികള്‍ മരിച്ചിരുന്നു. ഇതിന്റെ ആശങ്ക നിലനില്‍ക്കുന്നതിനിടെ ഉദിനൂര്‍ സെന്‍ട്രലില്‍ വാടക വീട്ടില്‍ താമസിക്കുന്ന മണിമാല രാജ് കുമാര്‍ ദമ്പതികളുടെ മകള്‍ ഉദിനൂര്‍ എ യു പി സ്‌കൂളിലെ മൂന്നാം തരം വിദ്യാര്‍ത്ഥി ഋഷിമയും പനി ബാധിച്ച് മരിച്ചിരുന്നു.