ഉറങ്ങാന്‍ കിടന്ന ഓട്ടോഡ്രൈവര്‍ മരിച്ചു

മാവുങ്കാല്‍: (www.kasargodvartha.com 31/12/2016) ഉറങ്ങാന്‍ കിടന്ന ഓട്ടോഡ്രൈവര്‍ മരിച്ചു. കോട്ടച്ചേരി കുന്നുമ്മലിലെ ഓട്ടോറിക്ഷാ ഡ്രൈവര്‍ അജാനൂര്‍ പുതിയകണ്ടത്തെ കെ വി ഗിരീശനാ (51)ണ് മരിച്ചത്. വെള്ളിയാഴ്ച രാത്രി ഉറങ്ങാന്‍ കിടന്നതായിരുന്നു. രാവിലെ മകളെ ട്യൂഷനു കൊണ്ടുപോകാനായി വിളിക്കാന്‍ ചെന്നപ്പോള്‍ അനക്കമറ്റ നിലയിലായിരുന്നു. ഉടന്‍ മാവുങ്കാല്‍ സഞ്ജീവനി ആശുപത്രിയിലെത്തിച്ചെങ്കിലും മരണപ്പെട്ടിരുന്നു.

ബി എം എസ് പ്രവര്‍ത്തകനാണ്. പരേതരായ ഗോപാലന്‍- നാരായണി ദമ്പതികളുടെ മകനാണ്. ഭാര്യ: ജയശ്രീ. മക്കള്‍: റോഷ്‌ന (ഡിഗ്രി വിദ്യാര്‍ത്ഥിനി, രാജപുരം ടെന്‍ത് പയസ് കോളേജ്), ശ്രീലക്ഷ്മി (എസ് എസ് എല്‍ സി വിദ്യാര്‍ത്ഥി, ദുര്‍ഗ ഹയര്‍ സെക്കന്‍ഡറി സ്‌കൂള്‍). സഹോദരങ്ങള്‍: ഗോപി (കമ്പ്യൂട്ടര്‍ എഞ്ചിനീയര്‍, മംഗളൂരു), ഹരി (അമേരിക്ക), ഹേമന്‍ (ഗള്‍ഫ്), പത്മ, പ്രമീള.

സംസ്‌കാരം ഞായറാഴ്ച രാവിലെ കിഴക്കുംകര സമുദായ ശ്മശാനത്തില്‍ നടക്കും.