അസുഖത്തെ തുടര്‍ന്ന് ആശുപത്രിയിലായിരുന്ന ഓട്ടോഡ്രൈവര്‍ മരിച്ചു

By Web Desk SNDec 20, 2017, 22:17 IST

പെരിയ: (www.kasargodvartha.com 20.12.2017) അസുഖത്തെ തുടര്‍ന്ന് ആശുപത്രിയിലായിരുന്ന ഓട്ടോഡ്രൈവര്‍ മരണപ്പെട്ടു. പെരിയ ബസാറിലെ ഓട്ടോ ഡ്രൈവറും സി ഐ ടിയു പ്രവര്‍ത്തകനുമായ കുമാരന്‍ പാടി (50)യാണ് മരണപ്പെട്ടത്. ചൊവ്വാഴ്ച രാത്രി കാസര്‍കോട്ടെ സ്വകാര്യാശുപത്രിയില്‍ ചികിത്സയില്‍ കഴിയുന്നതിനിടെയാണ് മരണം.

ചെര്‍ക്കള പാടി സ്വദേശിയായ കുമാരന്‍ വര്‍ഷങ്ങളായി പെരിയ ആയംപാറ വില്ലാരംപതിയിലായിരുന്നു താമസം. ഭാര്യ: ശൈലജ. മക്കള്‍: സ്നേഹ, സനല്‍, അശ്വതി (മൂവരും വിദ്യാര്‍ത്ഥികള്‍). സഹോദരങ്ങള്‍: കണ്ടന്‍, പരേതനായ കുഞ്ഞിരാമന്‍, സുരേന്ദ്രന്‍, മാധവി, ലക്ഷ്മി, ചോയിച്ചി, കുഞ്ഞാത.