പ്രഭാഷണ പരിപാടി കഴിഞ്ഞ് വീട്ടിലെത്തിയ സംഘാടകന്‍ കുഴഞ്ഞുവീണു മരിച്ചു

കാഞ്ഞങ്ങാട്: (www.kasargodvartha.com 16/02/2017) പ്രഭാഷണ പരിപാടി കഴിഞ്ഞ് വീട്ടിലെത്തിയ സംഘാടകന്‍ കുഴഞ്ഞുവീണു മരിച്ചു. കാഞ്ഞങ്ങാട്ട് നടന്നു വരുന്ന ഹദിയ അതിഞ്ഞാല്‍ പ്രഭാഷണ പരമ്പരയുടെ ഗള്‍ഫ് കോ-ഓര്‍ഡിനേറ്റര്‍, അജാനൂര്‍ ഇഖ്ബാല്‍ ഹയര്‍സെക്കന്‍ഡറി സ്‌കൂളിനു സമീപത്തെ പി.വി.ബഷീര്‍ (49) ആണ് മരിച്ചത്.

വ്യാഴാഴ്ച പുലര്‍ച്ചെ 2.45 മണിയോടെയാണ് സംഭവം. പ്രഭാഷണം കഴിഞ്ഞ് വീട്ടിലെത്തിയ ഉടന്‍ കുഴഞ്ഞുവീഴുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഹസൈനാര്‍- ഹലീമ ദമ്പതികളുടെ മകനാണ്. ഭാര്യ: നൂര്‍ജഹാന്‍. മക്കള്‍: നുസൈബ, അഫ്രാസ്, മുഹ്‌സിന്‍, മസ്‌റിന്‍. അബുദാബിയിലെ ടി.എന്‍.കെ കമ്പനിയില്‍ ജീവനക്കാരനായിരുന്ന ബഷീര്‍ പ്രഭാഷണ പരിപാടിയില്‍ പങ്കെടുക്കാനായി ഒരുമാസം മുമ്പായിരുന്നു നാട്ടിലെത്തിയത്.