അഡ്വ. കരോടി ഖാദര്‍ അന്തരിച്ചു

വിദ്യാനഗര്‍: കാസര്‍കോട്ടെ പ്രമുഖ അഭിഭാഷകനും മുസ്ലിം ലീഗിന്റെ സജീവ പ്രവര്‍ത്തകനുമായ അഡ്വ. കരോടി അബ്ദുല്‍ ഖാദര്‍ (73) അന്തരിച്ചു. തിങ്കളാഴ്ച രാവിലെ 7.30 മണിയോടെ വിദ്യാനഗര്‍ പടുവടുക്കയിലെ വീട്ടില്‍ പത്രപാരായണത്തിനിടെ കുഴഞ്ഞുവീഴുകയായിരുന്നു. ഉടന്‍ നുള്ളിപ്പാടിയിലെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

50 വര്‍ഷത്തോളം കാസര്‍കോട് ബാറില്‍ അഭിഭാഷകനായിരുന്നു ഖാദര്‍. ഗവ. പഌഡര്‍, പബഌക്ക് നോട്ടറി എന്നീ നിലകളിലും പ്രവര്‍ത്തിച്ചു. ബാര്‍ അസോസിയേഷന്‍ അംഗം, ആലംപാടി യത്തീം ഖാന പ്രസിഡന്റ് എന്നീ സ്ഥാനങ്ങളും വഹിച്ചിരുന്നു. അസുഖത്തെ തുടര്‍ന്നു നാലു വര്‍ഷമായി വിശ്രമ ജീവിതം നയിച്ചു വരികയായിരുന്നു.

ആലംപാടിയിലെ പരേതരായ കരോടി അബ്ദുല്ല ഹാജി-ഉമ്മാലിമ്മ ദമ്പതികളുടെ മകനാണ്. ഭാര്യ:ഖദീജ. മക്കള്‍: സുഹറ, ഹാരിസ്, സൈദ, അജ്മല്‍, തസ്‌നീമ. മരുമക്കള്‍: ഹുസൈന്‍ ഖാസിലൈന്‍, മുംതാസ് എരിയാല്‍, ഹമീദ് ചെമ്പിരിക്ക, തസ്‌നി മൊഗ്രാല്‍ പുത്തൂര്‍, അശ്‌റഫ് അംഗഡിമുഗര്‍ (സൗദി).

സഹോദരങ്ങള്‍: അബ്ദുല്‍ റഹ്മാന്‍ കരോടി( വ്യാപാരി മുംബൈ), സുലൈമാന്‍ (ദുബൈ), അബൂബക്കര്‍ (ഗോവ), ഹുസൈന്‍ ആലംപാടി, ഹമീദ് (ദുബൈ), ബീഫാത്തിമ, പരേതരായ മുഹമ്മദ്, ഉമ്മര്‍.

ഖബറടക്കം വൈകിട്ട് 4 മണിയോടെ ആലംപാടി ജുമാമസ്ജിദ് ഖബര്‍സ്ഥാനില്‍. അഭിഭാഷകരും
രാഷ്ട്രീയ നേതാക്കളും ഉള്‍പെടെ നിരവധി പേര്‍ വീട്ടിലെത്തി അന്തിമോപചാരം അര്‍പ്പിച്ചു വരികയാണ്.
അസീമാനന്ദയെ കാരാവന്‍ മാഗസിന്‍ ചതിയില്‍ വീഴ്ത്തി? റിപോര്‍ട്ടര്‍ അസീമാനന്ദയെ കണ്ടത് അഭിഭാഷകയായി