ടെമ്പോ വാന്‍ ബൈക്കിലിടിച്ച് യുവാവ് മരിച്ചു

Muhammed Rishad

കാസര്‍കോട്: ടെമ്പോവാന്‍ ബൈക്കിലിടിച്ച് കാസര്‍കോട്ട് ടൗണിലെ വ്യാപാരിയായ യുവാവ് മരിച്ചു. ചെങ്കള അക്കരങ്കരയിലെ പീടിക ഹൗസില്‍   അസൈനാറിന്റെ മകന്‍ സി.എച്ച് മുഹമ്മദ് റിഷാദ്(21)ആണ് മരിച്ചത്. ശനിയാഴ്ച ഉച്ചയ്ക്ക് 2.30 മണിയോടെയാണ് ചെങ്കള ബേര്‍ക്കയിലാണ് അപകമുണ്ടായത്.

വീട്ടില്‍ നിന്നും ബൈക്കില്‍ ചെര്‍ക്കള ടൗണിലേക്ക്   സാധനം വാങ്ങാന്‍ പോകുമ്പോന്‍ ടെമ്പോവാന്‍ ഇടിക്കുകയായിരുന്നു. ഉടന്‍ തന്നെ കാസര്‍കോട്ടെ സ്വകാര്യാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പിന്നീട് കാസര്‍കോട് ജനറല്‍ ആശുപത്രിയിലേക്ക് മാറ്റി. മാതാവ്: സക്കീന. സഹോദരങ്ങള്‍ റാഷിദ്,(പി.ഡബ്യൂ.ഡി കോണ്‍ട്രാക്ടര്‍), നൗഷിദ്, നൗഫല്‍, ശിബിന്‍.