ഓട്ടോ റിക്ഷയിടിച്ച് വൃദ്ധന്‍ മരിച്ചു

By Web Desk PreFeb 13, 2012, 13:00 IST

Soda mammu

തളങ്കര: ഓട്ടോ റിക്ഷയിടിച്ച് വഴിയാത്രക്കാരനായ വൃദ്ധന്‍ മരിച്ചു. തളങ്കര നുസ്രത്ത്‌നഗറിലെ സോഡാ മമ്മു (70)ആണ് മരിച്ചത്. ഞായറാഴ്ച രാവിലെ പഴയ ബസ്‌സ്റ്റാന്‍ഡിന് സമീപത്തു കൂടി നടന്നുപോകുമ്പോഴാണ് മമ്മുവിനെ ഓട്ടോറിക്ഷ ഇടിച്ചത്. തലയുടെ പിറകുഭാഗം റോഡിലിടിച്ച മമ്മുവിനെ ഗുരുതരാവസ്ഥയില്‍ മംഗലാപുരം ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല. അപകടം വരുത്തിയ കെ.എല്‍. 14 ഇ. 7103 ഓട്ടോ ഡ്രൈവര്‍ മഹ്മൂദിനെതിരെ പൊലീസ് കേസെടുത്തു.
ഭാര്യ: നഫീസ.
മയ്യത്ത് തിങ്കളാഴ്ച ഉച്ചയ്ക്ക് ശേഷം മാലിക്ദീനാര്‍ ജുമാമസ്ജിദ് ഖബര്‍സ്ഥാനില്‍ ഖബറടക്കും.

Keywords: kasaragod, Thalangara, Auto-rickshaw, Accident, Obituary,